Popular Bible Verses from Apostoloiden tegod 1

Share

No tö sat väged, konz Pühä Heng tuleb teihe, i tö linnet minun todištajin Jerusalimas, kaikes Judejas i Samarias i man agjahasai.»

Hän sanui: «Se ei ole teiden azj teta sidä aigad vai aigkurod, kudamban Tat ičeze valdal om pannu.

Kerdan oldes heidenke Iisus andoi mugoižen käskön: «Algat lähtkoi Jerusalimaspäi, a varastagat sidä, midä Tat om toivotanu i midä olet kulnuded minuspäi. Ved՚ Joan valati vedel, no teid valataškatas Pühäl Hengel, sihesai ei mäne äi päivid-ki.»

Surmanmokiden jäl՚ghe hän äi kerdoid ozuti vahvas heile, miše om eläb. Nel՚l՚kümne päiväd hän ozutelihe heile i saneli Jumalan valdkundan polhe.

Konz hän oli sanunu necen, heiden aigan sid՚-žo händast ottihe ülähäks, i pil՚v vei händast heiden sil՚mišpäi.

I konz hö tarkas kacuiba taivhaze, kut Iisus libui sinna, ka ühtnägoi heiden sirhe seižutihe kaks՚ mest vauktad sobad päl. Hö sanuiba: «Galilejan mehed, midä to sid՚ seižut i kacut taivhaze? Nece Iisus, kudamb ottihe teidennopäi taivhaze, tuleb tagaze mugažo, ved՚ tö nägit, kut hän mäni taivhaze.»