Popular Bible Verses from Лука 17

Share

Исус шуис сылы: «Чеччы да мун. Эскӧмыд мездіс тэнӧ».

Сизимысь кӧ луннас тэ водзын мыжмас да сизимысь кӧ тэ дінӧ локтӧмӧн шуас: ”Ме мыжа”, прӧстит сійӧс».

Ассьыс бурдӧмсӧ казялӧм бӧрын ӧти косіс Енмӧс гораа ошкигтырйи. Сійӧ кымынь уськӧдчис Исус водзӧ да аттьӧаліс Сійӧс. Тайӧ мортыс вӧлі Самарияысь.

Видзчысьӧй таысь! Вокыд кӧ мыж вӧчас тэныд паныд, ӧлӧд сійӧс. Ассьыс мыжмӧмсӧ кӧ восьтас, прӧстит сійӧс.

Исус юаліс: «Эз ӧмӧй даснаныс сӧстӧммыны? Кӧнӧсь нӧ ӧкмысыс?

Господь шуис: «Лоас кӧ тіян эскӧмныд горчица тусь ыджда, верманныд шуны тайӧ пуыслы: ”Нетшыштчы вужнад да вужъясь саридзас” – и сійӧ кывзысяс тіянлысь».

Коді зільӧ видзны ассьыс олӧмсӧ, воштас сійӧс. Ассьыс олӧмсӧ воштысь видзас сійӧс.

Исус висьталіс велӧдчысьяслы: «Ыштӧдӧмъяслы колӧ локнысӧ, но курыд шог сылы, код пыр локтӧны ыштӧдӧмъясыс! Сылы бурджык лоӧ, сьыліас кӧ ыджыд изки ӧшӧдасны да шыбитасны саридзӧ, тайӧ ичӧтъясысь ӧтикӧс ыштӧдӧм дорысь.

Кыдзи вӧлі Ной лунъяс дырйи, сідзи лоӧ Морт Пи локтігӧн. Ковчегӧ Нойлӧн пыртӧдз йӧзыс сёйисны-юисны, гӧтрасисны да верӧс сайӧ мунісны. Сэки ыджыд ойдӧм дырйи ваыс пӧдтіс ставнысӧ.