Popular Bible Verses from खास चेलों 7

Share

जब ऊ लोग स्तिफनुस तैं ढुंग्योणा छा, त वेन प्रभु से प्रार्थना कैरी, “मेरा प्रभु यीशु, मेरी आत्मा तैं स्वीकार कैरा।” फिर वेन घुंडा टिकनी अर चिल्‍लै के बोलि, “मेरा प्रभु, ये पाप को दोष यों पर नि लग्यां” अर इन बोलि के वेन ईं दुनियां तैं छोड़ि दिनी।

“‘प्रभु बुल्दु कि, स्वर्ग मेरी राजगद्‍दी अर धरती मेरा खुटा रखण की जगा च, अब बता तुम मि खुणि कन्द्रयो घौर बणैल्या? अर इन्दरि जगा कख च जख मि आराम कैर सैकु?

अर या बात सुणी के ऊंन अपणा कन्दूड़ बन्द कैरी दिनी अर जोर से चिल्‍लैनि, अर वेतैं जान से मरणु खुणि वे जनै झट गैनी। अर वेतैं ढुंग्योण खुणि ऊ लोग वेतैं नगर बटि भैर खिखोड़ी के लि गैनी। अर जथगा गवा स्तिफनुस का खिलाप मा छा ऊंन अपणा-अपणा कपड़ों तैं शाऊल नौ का एक ज्वान मनखि का समणि जमा करिनी।