Popular Bible Verses from Luk 9

Share

Ma tha Jisas ka sore'a la'u 'i sadalu'a, “Mada sa ta imole 'e thathami lae mai 'i buriku, nia kai luka 'ana manatalaa suli nia 'i tala'ana ma kai ngalia 'airarafolo nia 'ana fa thato ki sui bana ma ka lae mai 'i buriku.

Sulia tei bana na 'e thathami ogoni 'ana na marukia nia fasi nau, nia kai tala fasia marukia mamana. Sui tei bana na 'e falea marukia nia ura nau, nia kai fulato'ona marukia mamana.

Tha Jisas ka ba'e 'una 'eri fana, “Tei bana na 'e ra'u 'ana na kwato na buluka ki keki 'abaa ma ka lio buri 'e a'i si tala'ana 'inotoa tha God.”

Sui taa ni bo'o na 'e le'a mada sa ta wane ka too 'ana doo ki sui laa na fanu na iano laula'u, sui si fulato'ona bo'o marukia mamana.

Ma mada sa ta imole ka se'enoni 'ani nau bia ba'elaku, na kaluwane imole kai se'enoni la'u bo'o 'ani nia 'ana si manga nia kai fula mai 'ana 'inotoa nia, ma 'inotoa Maka ma 'ensolo abu ki la'u bo'o.

Tha Jisas ka ba'e 'una 'eri fana, “Kuita kwasi ki kera too 'ana kula kera ki ura biingalaa, ma tha'aro ki mena keka too 'ana nu'i kera ki, sui taa, na Kaluwane imole 'e a'i si too 'ana ta si kula ura biingalaa.”

ma ka ba'e 'una 'eri 'i fada, “Tei bana na 'e thathagonia ta kali wela 'une'e 'ana thataku, 'e thathagoni nau. Ma tei bana na ka thathagoni nau, 'e thathagonia la'u bo'o Maka nau na 'e arasi nau mai. Sulia tei bana na 'e fa'afa'ekwa nia ma'alutamalu'a, nia na wane na 'e ba'ita ka gwaunga'i faafi kamalu'a te'efau.”