Popular Bible Verses from Luk 17

Share

Sui ka sore'a 'i sana wane 'eri, “Tata'e, 'oko lae, fito'oa 'oe 'e ade 'oe 'oko 'akwaa.”

“Doo'anitaa abulalada ka ta'aa 'i femu fiu si manga 'i laa te'e fa thato, ma fiu si manga keka lae mai, keka gani uria manatalubelaa, 'oki manatalube kera bona'a.”

Te'e wane 'i ada, si manga na 'e riki nia 'e 'akwaa na'a, 'e oli mai sana tha Jisas ka tangoa tha God 'ana linge'e doo na 'e ba'ita. Nia ka 'aru 'i maana 'aena tha Jisas ma ka tango nia. Wane 'eri na wane fasi Samaria.

Adelana bo'o muka rikile'a 'ana abulalamalu'a! Mada sa do'oramu ka abula ta'aa, 'oko ngatafia. Mada sa 'e manata akela, 'oko manatalubea.

Jisas ka soeto'ona, “A'i la'u na taafulu wane ki na ku fa'afaaluda? Ma sikwa wane ki kera ni fei?

Ma nia ka sore'a 'una 'eri, “Mada sa 'oko too mena 'amu'a 'ana na fito'oa mala ta kali mige'e mastad, 'e tala'ana bana 'oki sore'a sana thaame'e 'ai ba'ita ne'e, ‘'oki tata'e fa lalimu ma 'oki fa'ata'e 'oe 'i tala'amu 'i laa 'amali fuu,’ ma nia kai adesuli 'oe.

Tei bana na kai ili ura ra'u ngadolaa 'ana marukia nia kai fa'adolaa, ma tei bana na 'e eekwa 'ana marukia nia kai fa'amarukia.

Jisas ka ba'e uria 'aina disaepol nia ki, “Si doo ki na kai adea imole kai abula ta'aa keki lae bona'a mai, sui taa 'e ta'aa ka tatha fana wane 'eri na kai adea imole ki keki abula ta'aa. Mada sa ta wane ka adea ta imole fa'ekwa ne'e ki keka abula ta'aa, nia kai le'a fana wane 'eri ki mada sa keki 'uu 'anida la 'amali bia ta fa ma'e fau ba'ita keki kania 'aena luada.

“Fa thato Kaluwane imole ki kai 'uria fa thato tha Noa ki. Imole baa ki kera fanga, ku'u, luma'aa ka fuli ki laalae ka fula bana 'ana si manga tha Noa ka kotho la 'Aka ba. Sui na kafo olo baa ka fula ma ka thaungi kera te'e fau.