Popular Bible Verses from Лука 13

Share

«Тыршелэ ӟоскыт капкатӥ пырыны, уго тӥледлы верасько, тросэз пырыны тыршозы, но уз быгатэ.

Отын дас тямыс ар ӵоже курадӟытӥсь духен улӥсь кышномурт вал: со куасалтӥськемын, йырзэ но ӝутэмез уг луы вал. Иисус, сое адӟыса, дораз ӧтиз но солы шуиз: «Кышномурт! Тон ас курадӟонэдлэсь мозмытскиськод».

Со вылэ кизэ понӥз. Со соку ик шонертӥськиз но Инмарез данъяны кутскиз.

Берпумъёс пӧлын вань сыӵеос, кудъёсыз нырысь радын луозы; нырысьёс пӧлын вань сыӵеос, кудъёсыз берпум радын луозы».

Коркалэн кузёез султыса ӧссэ пытсаз ке, соку тӥ, педлон сылыса, ӧсэ йыгаськоды но шуоды: ”Кузё-Инмар! Кузё-Инмар! Усьты милемлы”. Нош Со тӥледлы ответ сётыса шуоз: ”Тӥледыз уг тодӥськы, кытысь тӥ”.

Ӧвӧл, – шуисько тӥледлы, – нош ӧпкельыса сьӧлыкъёстылэсь ӧд ке куштӥське, ваньды тазьы ик быроды».

Нош Со шуоз: ”Тӥледлы верасько: уг тодӥськы тӥледыз, кытысь тӥ. Кошке Мон дорысь, ваньды зэмлыктэм ужез лэсьтӥсьёс”.

Иисус шуиз: «Инмар Эксэйлык малы укша, маин сое ӵошатом? Со горчица кидыслы укша, кудзэ адями басьтӥз но аслаз садаз мерттӥз; будӥз, бадӟым писпу луиз, ин тылобурдоос вайёсаз пегӟыса улӥзы».