Popular Bible Verses from Иоанн 19

Share

Мзярда Иисус варжазе шапама винать, мярьгсь: «Тиевсь!» Комафтозе прянц и ваймоц лиссь.

Иисус тяни содазе: сембось тиевсь. Сяс мярьгсь Сёрматфксть пяшкодевоманц инкса: «Симомазе сась».

Иисус няезе тядянц и тоса ащи тонафниенц, конань кельгозе. Корхтай Эсь тядянцты: «Ава! Тя тонь цёраце». Тяда меле корхтай тонафниенцты: «Тя тонь тядяце!» Тонафниец тяда меле сявозе Иисусонь тядянц эсь пялонза.

Но кодак састь Иисусть малас и няезь Сонь ни кулофста, пильгосяярензон ашезь тапа; но ушматтнень эзда фкясь кувака сялгоманц пезфтазе Сонь ирдезонзон ёткс, и эстокиге тусь ведь мархта вер.

Вдь тяфта лиссь, пяшкодеволь Сёрматфксть валоц: «Сонь фкявок пакарец аф ули тапаф». Лия вастсовок Сёрматфкссь корхтай: «Ваныхть Сянь лангс, конань сялгозь».

Эсь крёзонц кандомста Иисус лиссь ся вастти, конань лемоц Пряпакарь, еврейкс Голгофа.

Ушматтне кодасть сялги тишеста каштаз и щафтозь Сонь прязонза, а лангозонза щафтсть шобдаза-якстерь щам.