Popular Bible Verses from San Mateo 5

Share

Ja̧'hua̧ta̧nö̧ lámparamä tti̧rȩdȩtö̧ o'ca'a, i̧sä̧ca̧ jacuä ku̧nä̧huo̧cö̧. Ju'tojutä ku̧nä̧huä̧ o'ca toi'önä isodenä ka̧cuä̧tö̧mä̧ adiu totta pä'ö. Ja̧'hua̧ta̧nö̧ ucutu'inä, lámpara adiu tȩa̧u̧'a̧nö̧, adiu ka̧cuä̧tu̧cui̧ o'ca toi'önä ttä'ca jo̧mȩttö̧, ucutu adiu jȩcu̧'ä̧tu̧cua̧'a̧ topö, Cuä'o Diosrö, mo̧ro̧jä̧ra̧'a̧ kö̧rö̧ ttesetäcua'a̧nö̧, —huo̧juȩti̧nö̧do Jesús.

“Ja̧'hua̧ta̧nö̧ ucutumä pi̧jä̧ jähuä tȩa̧u̧ jä̧'i̧nö̧'a̧nö̧ huotöjä. Iso päi'önä ötahuiyä möä'ca huäme ttaditöttömä, yoröiso dajahuächocö ja̧u̧ ötahuiyä.

“Tta̧'cua̧nä̧ adiunä amöcuädätömä, eseunu ttö̧ja̧cuä̧cuo̧tö̧. Jahuätötä Diosrö tottäcuotö.

“Diosrö adiunätä pä̧huä̧ rö̧jä̧chi̧'ö̧nä̧ amöcuädätömä, eseunu ttö̧ja̧cuä̧cuo̧tö̧. Dios jahuätörötä ppä̧dä̧cua̧.

Jitämä ttö pä'ösä ucuturu, cuaboiyotörö repe'ätucui. Ucuturu suronä jȩpä̧tö̧rö̧, adiunätä ppä'ädätucui. Ucuturu repe'ocotörö, adiu jȩpä̧tu̧cui̧. Ucuturu suronä jȩpö̧ ucuocuätörö, Diosrö jä'epö ucuocuätucui jahuätörö.

—Dios adiunätä ppädatö pä'ätömä, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

“Korotöcu eseunu ttö̧ja̧cua̧ pä'ö jȩpä̧tö̧mä̧, eseunu ttö̧ja̧cuä̧cuo̧tö̧. Dios pä̧cua̧ jahuätörötä “Chi̧tti̧mö̧jä̧.”

“Tta̧'cua̧ tta̧'ȩcuä̧tö̧mä̧ eseunu ttö̧ja̧cuä̧cuo̧tö̧. Diostä jahuätörötä ppä̧dä̧cuä̧u̧.

“Korotörö, Diosrö tteseta'attö, korotö ya̧'ä̧huȩ'ö̧ jȩttä̧'cho̧mȩnä̧, adiunätä ka̧cuä̧tö̧mä̧, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

“Korotörö re rö̧jö̧nä̧ ppä'ädätömä, eseunu ttö̧ja̧cuä̧cuo̧tö̧. Ja̧'hua̧ta̧nö̧ Dios jahuätörötä re rö̧jö̧nä̧ ppä̧dä̧cua̧.

“Ja̧'hua̧ta̧nö̧ ucutu'inä ttörö cuesetätucua'attö, korotömä ucuturu suronä jȩtto̧mȩnä̧'i̧nä̧, suronä ttucuocuomenä'inä, yapareu ttucuocuomenä'inä, eseunu cu̧ja̧cuä̧cuo̧tö̧jä̧. Eseunu ka̧cuä̧tu̧cui̧. Dios mo̧ro̧jä̧ra̧'a̧ttö̧ i̧yä̧cuȩmä̧, cuȩmä̧cuo̧tö̧jä̧. Ja̧'hua̧ta̧nö̧ ucutu cuä'catucunä ka̧cui̧nä̧tö̧rö̧, Dios i̧huȩnȩ jiäcuähuä isotörö, suronä jȩpi̧nä̧tö̧do, —pä'ö huo̧juȩti̧nö̧do Jesús.

“Korotöttö'inä abonänö adihuä i̧sa̧sä̧ pä'ocotömä, eseunu ttö̧ja̧cuä̧cuo̧tö̧. Jahuätötä tti̧rȩjä̧, Dios iya päina'a ttȩmä̧cuo̧tö̧.

Juhua'a yabonö huo̧juȩti̧nö̧do Jesús: —Ucutumä pi̧jä̧ jähuä 'cäruäbö jä̧'i̧nö̧'a̧nö̧ huotöjä. Ja̧'hua̧nö̧ ja̧'a̧nä̧ 'cäruäbö ö̧nö̧ä̧ juiyöttömä, ¿tta̧'a̧nö̧ jä̧cua̧'a̧jä̧ttö̧? Täcö yoröiso adihuoca'ado. Do'opö tticu'a̧nö̧ ja̧'a̧ ttö̧ja̧ 'cuȩ'cu̧ tticua pä'ö.

Yoröiso adihuä juäitä jȩpä̧tu̧cui, Cuä'o mo̧ro̧jä̧ra̧'a̧ kö̧ jȩö̧'a̧nö̧, —pä'ö huo̧juȩti̧nö̧do Jesúsmä.

Ja̧'hua̧nö̧ ja̧'a̧ttö̧, “A̧” pä'ätömä, jueönätä “A̧” pä'ätucui. “Ja̧'hua̧nö̧cö̧” pä'ätömä, jueönätä “Ja̧'hua̧nö̧cö̧” pä'ätucui. Koro päcuhuätucuttumä, ähuettä hueömä jȩpä̧tö̧jä̧, —pä'ö huo̧juȩti̧nö̧do Jesús.

Juhua'a yabonö huo̧juȩti̧nö̧do Jesús: —Ja̧'hua̧ta̧nö̧ koro pä'äji pättinömä ä̧ju̧cui̧nä̧tö̧jä̧: “Ya̧tȩ ka̧ra̧ ö'äre baropö icuttumä, chutä ö'äre'inä baropö tticu'a̧nö̧ ja̧'a̧. Ja̧'hua̧ta̧nö̧ ya̧tȩ ka̧ra̧ acu di'copö icuttumä ttörohuähuomenä, chutä acu'inä di'copö tticu'a̧nö̧ ja̧'a̧.” Jitämä ttö pä'ösä ucuturu, ya̧tȩ suronä cuäöttömä ucuru, ucutä pä̧ro̧cua̧mä̧ cuäcuhuärö. Ya̧tȩ cu'änä 'tauttumä, kara'anä'inä 'tahua iyirö.

“Ja̧'hua̧ta̧nö̧ cu'äre jirete suronä jȩcu̧'a̧ pä'ö hueöttömä, baropö icu oto do'opö icui. Iso päi'önä cu'äre jiretenätä toei'omenä, o'ca juiyönä cuidepä ocurä beipocaränä toei'öttö'inä abonänö adihua'ado. Ja̧'hua̧ta̧nö̧ cu̧mö̧ ji̧mö̧tȩ suronä jȩcu̧'a̧ pä'ö hueöttömä, 'cui'ocu icu oto do'opö icui. Iso päi'önä cu̧mö̧ ji̧mö̧tȩnä̧tä̧ toei'omenä, cuidepä o'ca juiyönä ocurä beipocaränä toei'öttö'inä abonänö adihua'ado, —pä'ö huo̧juȩti̧nö̧do Jesús.