Popular Bible Verses from San Juan 21

Share

Ttu̧cuȩ ttucuäji o'ca'a, Jesús jä'epinödo Simón Pedrorö: —Simón, Jonás i̧tti̧, ¿pitöttö'inä abonänö ttörö repe'öjä tä̧ji̧? Pedro ja̧u̧ru̧ ädätinödo: —A̧'a̧, Chu̧ru̧hua̧. Ucuru repe'ösä huo̧jua̧jä̧. Ja̧'hua̧nö̧ päomenä, Jesús pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tti̧tti̧mö̧rö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö. Pä'äji ta'anö todärenä jä'epinödo Jesús: —Simón, Jonás i̧tti̧, ¿ttörö repe'öjä tä̧ji̧? Pedro ja̧u̧ru̧ ädätinödo: —A̧'a̧, Chu̧ru̧hua̧. Ucuru repe'ösä huo̧jua̧jä̧. Ja̧'hua̧ ja̧'a̧ pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö. Ja̧'hua̧ta̧nö̧ pä'äji ta'anö huäbodäcuänä päi'önä jä'epinödo: —Simón, Jonás i̧tti̧, ¿ttörö repe'öjä tä̧ji̧? Ja̧'hua̧ ja̧'a̧ttö̧ huäbodäcuänä ja̧u̧tä̧ juäi jäepäcu, Pedro a̧'cua̧ tta̧'ȩcu̧ pä'inödo Jesúsru: —Chu̧ru̧hua̧, ucu o'ca juiyönä huo̧jua̧jä̧. Ucuru repeda'a huo̧jua̧jä̧. Ja̧'hua̧ ja̧'a̧ Jesús pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö.

Iso päi'önä pä'ösä ucuru, mö̧ä̧ya̧ cu̧jä̧i̧, ucurutä pä̧huä̧ rö̧jo̧mȩnä̧ 'ca̧tä̧hui̧nö̧jä̧ cu̧'ca̧tä̧huä̧ta̧. Ja̧'hua̧ta̧nö̧ ucurutä pä̧huä̧ rö̧jo̧mȩnä̧ cue'ächinöjä. Ja̧'hua̧nö̧ ja̧'a̧nä̧ bö̧o̧ i̧sa̧ juocuhuächomenä, cujo cä̧cu̧huȩpä̧cua̧jä̧. Ja̧'hua̧ta̧nö̧ ka̧ra̧ ö̧'ca̧tä̧cua̧ ucuru. Ja̧'hua̧ta̧nö̧ ucuru pä̧huä̧ rö̧jo̧ca̧'a̧nä̧, churutä pä̧huä̧ rö̧jo̧mȩnä̧ ȩpä̧cua̧jä̧.

Ja̧'hua̧ ja̧'a̧ttö̧ Jesús päinä̧u̧do: —Cu̧huo̧juä̧tu̧cua̧'a̧nä̧ icuätucui ma'ayämä. Juhua'a 'chocuhuäcuotöjä. Päji ta'anö jȩtto̧mȩnä̧, po̧i̧ rö̧ȩnä̧ ttȩji̧pä̧ja̧'a̧ttö̧, yoröiso cättepö juiyönä ji̧na̧'a̧do.

Ju̧huȩnȩ ttö̧ja̧cua̧'a̧nä̧, Simón Pedro pä'inödo: —Po̧i̧rö̧ 'cho'ö 'chö̧sä̧. Jahuätö ädätinätödo: —Ujutu'inä ichätöjä ucucu. Po̧i̧rö̧ 'cho'ö 'chä̧nö̧, huoi'canä pä̧mä̧di̧nä̧tö̧do. Ja̧u̧nu̧ yodomä, yoröiso 'cho'ocotö pi̧nä̧tö̧do.