Popular Bible Verses from San Juan 19

Share

Jesús ja̧u̧ vino a̧'toya ahuäji'ca̧, pä'inödo: —Täcö o'ca juiyönä 'cuäopäja'a. Ja̧'hua̧nö̧ pä'ö, 'corupäi'omenä, rȩjȩcu̧ päi'önä topö 'corupä'i'inödo.

Ja̧u̧nu̧ o'ca'a täcö o'ca juiyönä 'cuäopäja'a huo̧jui̧nö̧do Jesús. Ja̧'hua̧ ja̧'a̧ttö̧ Huȩyu̧cuä̧ Huȩnȩ 'cuäopa pä'ö Jesús pä'inödo: —Chahua a̧di̧ rö̧jä̧chi̧'ä̧cu̧sä̧.

Jesús ja̧ju̧ru̧'i̧nä̧, ka̧ra̧ u̧huo̧juȩtä̧u̧ i̧sa̧, rö̧ȩnä̧ repeäcuru kippeyänä ö̧ja̧'a̧ tomenä, pä'inödo ja̧ju̧ru̧: —Isaju, chujuasä cui̧tti̧mä̧. Ja̧u̧nu̧ o'ca'a u̧huo̧juȩtä̧u̧ i̧sa̧rö̧ pä'inödo: —Yajujuasä cua̧ju̧mä̧. Jesús ja̧'hua̧nö̧ päinö o'ca'a, ja̧u̧ u̧huo̧juȩtä̧u̧ i̧sa̧ Jesús ja̧ju̧ru̧ ȩpi̧nö̧do ojusodera̧'a̧ tta̧huä̧ra̧ pä'ö.

Ja̧'hua̧nö̧ ja̧'a̧nä̧ Jesúsru ichi'ö, täcö 'corupäi'äja'a topö, ö̧ttä̧rȩnä̧ cuä'ö 'te'ädö icuocotö pi̧nä̧tö̧do. Ja̧'hua̧nö̧ ja̧'a̧nä̧ ya̧tȩ su̧ro̧da̧u̧ i̧sa̧ dacuodänä ta'inödo Jesúsru i'esubänä. Ja̧'hua̧nö̧ tahuomenä ucuoja'inä, ajiya'inä erina'ado.

Pi̧yȩ juäi o'ca juiyönä 'cuäopina'ado, Huȩyu̧cuä̧ Huȩnȩ päö ta'anö 'cuäopa pä'ö. Ja̧u̧ Huȩnȩ päa'a: “Yoröiso ihue'ca ji'cate'inä 'te'ädö icuocotö ttäcuotö.” Ja̧u̧ huȩnȩ korome'inä päa'a: “Ja̧u̧ru̧ tattinäcuru tottäcuotödo.”

Jesús, churutä dau isodä pȩ'o̧pö̧ ttu̧ju̧nä̧cuodä ȩpö̧ rä'epinödo, La Calavera, U Isose Pi̧no̧mȩ pättomecu 'chä̧nö̧. Ju̧huȩnȩmä̧ hebreos tti̧huȩnȩnä̧ Gólgota pä'ätö.

Su̧ro̧da̧u̧mä̧ so̧ö̧ttö̧ ppöttähuä hueninätödo Jesús unä. Ja̧'hua̧ta̧nö̧ ö̧'ca̧tä̧huä̧ta̧ adiu tuhuä̧ta̧ 'ca̧ti̧nä̧tö̧do Jesúsru.