Popular Bible Verses from San Juan 10

Share

“Nä̧u̧cuä̧rö̧ i̧sa̧, nä̧u̧cuä̧rö̧ cuä'ö icua pä'ö ichö bettipächönä. Ttömä ichinösä o'ca juiyönä eseunu adiunätä ttö̧ja̧cua̧ pä'ö.

Ttötäsä adihuä tta̧huä̧rä̧cuä̧huä̧ i̧sa̧mä̧. Chutä adihuä tta̧huä̧rä̧cuä̧huä̧ i̧sa̧, ä̧ji̧mö̧rö̧ tta̧'ä̧rö̧ 'corupäi'ö'a̧nö̧ hua̧.

Chä̧ji̧mö̧ o̧vȩja̧stö̧ chi̧huȩnȩ huo̧juä̧tö̧. Ttö'inä jahuätörö huo̧jua̧sä̧. Ttö cho'ca'anä cue'ächätö.

Jahuätörö kä̧cuä̧huä̧ i'co iyösä. Yoröiso 'corupä'i'ocotö ttäcuotö. Ja̧'hua̧ta̧nö̧ chu̧mö̧ttö̧, ka̧ra̧ yoröiso 'cho'ipocö jahuätörö.

Ttötäsä äpate. Ttörö esetö do'ächömä, adiunä ö̧ji̧pä̧cua̧. Ja̧u̧, ya̧tȩ oveja i̧so̧ca̧ttö̧ rä'opächö, ucuome adihuome po̧cui̧pö̧ ö̧jö̧'a̧nö̧, ö̧jä̧cua̧.

“Ttötäsä adihuä tta̧huä̧rä̧cuä̧huä̧ i̧sa̧mä̧. Chä'o ttörö u̧huo̧ju̧'a̧nö̧, ja̧u̧ru̧'i̧nä̧ huo̧jua̧sä̧ ttömä. Ja̧'hua̧ta̧nö̧ chä̧ji̧mö̧ o̧vȩja̧stö̧rö̧ chu̧huo̧ju̧'a̧nö̧, ttörö'inä huo̧juä̧tö̧. Ttömä chä̧ji̧mö̧ o̧vȩja̧stö̧rö̧ ppä'ädö 'co̧ru̧pä̧di̧'ä̧cua̧sä̧.

Chä'omä, korotöttö'inä abonänö ju̧ru̧hua̧mä̧, ttörö iyinä̧u̧. Ja̧'hua̧ta̧nö̧ chutä u̧mö̧ttö̧, ka̧ra̧mä̧ yoröiso 'cho'ipocö jahuätörö. Ttöcu, Chä'ocu, ji̧nä̧ ya̧tȩnä̧tä̧ ja̧'a̧.

“Ttötäsä adihuä tta̧huä̧rä̧cuä̧huä̧ i̧sa̧mä̧. Chä'o ttörö u̧huo̧ju̧'a̧nö̧, ja̧u̧ru̧'i̧nä̧ huo̧jua̧sä̧ ttömä. Ja̧'hua̧ta̧nö̧ chä̧ji̧mö̧ o̧vȩja̧stö̧rö̧ chu̧huo̧ju̧'a̧nö̧, ttörö'inä huo̧juä̧tö̧. Ttömä chä̧ji̧mö̧ o̧vȩja̧stö̧rö̧ ppä'ädö 'co̧ru̧pä̧di̧'ä̧cua̧sä̧.

Yoröiso cha̧'cua̧rö̧ jȩpö̧ icuocotö. Ttörötä pä̧huä̧ rö̧jo̧mȩnä̧ iyösä cha̧'cua̧rö̧. Ttö 'corupädi'a'anä'inä pä'äji ta'anö ttörötä pä̧huä̧ rö̧jo̧mȩnä̧, tto'ächi'ö'ca̧ chö̧jä̧cua̧sä̧. Ja̧'hua̧nö̧ hueinäcusä Chä'omä, —pä'inödo Jesús.

Ja̧u̧nu̧ o'ca'a Jesús pä'äji ta'anö jahuätörö huo̧juȩti̧nö̧do: —Iso päi'önä pä'ösä ucuturu, ttötäsä äpate, o̧vȩja̧stö̧ dodettatemä.

Ja̧'hua̧nö̧ ja̧'a̧nä̧ ya̧tȩ aditähuä micuätä a̧mö̧cuä̧rö̧ aditömä, yähui icha'a tomenä, o̧vȩja̧stö̧rö̧ jaropi'ö, tö'ipächö. Ja̧u̧ adihuä tta̧huä̧rä̧cuä̧huä̧ i̧sa̧cö̧. Ja̧'hua̧ta̧nö̧ o̧vȩja̧stö̧, chutä ä̧ji̧mö̧ huocotö. Ja̧'hua̧nö̧ töipächomenä, yähui o̧vȩja̧stö̧rö̧ 'chu'ädö ya'opö icu döttecuächönä.

Jesús huo̧juȩti̧nö̧do: —Iso päi'önä pä'ösä ucuturu, ya̧tȩ o̧vȩja̧stö̧ dodettatenä doächoca'a, kara'anätä do'ächömä, ja̧u̧ nä̧u̧cuä̧rö̧ i̧sa̧.