Popular Bible Verses from San Marcos 13

Share

Ja̧'wa̧ta̧nü̧ ttü jäwänä̧mä̧, o'katoi'ünä̧ tta̧mi̧ suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧ päi'ünä̧ a̧mi̧ 'ki'ächi'ü kkü̧tä̧ jä̧kua̧'a̧ ra̧wä̧pi̧jü̧ttü̧ ttü̧ji̧pä̧kuo̧tü̧mä̧.

Ja̧'wa̧nü̧ ja̧'a̧ttü̧, ukutumä̧ tta̧'a̧rä̧kuä̧u̧ topärä̧kuä̧wä̧tu̧kui̧, isopäi'ünä̧ jä̧kuȩ mo̧ro̧mä̧ kuieruwätukua'attü̧.

Ja̧'wa̧ta̧nü̧, ruwotü ttä'ka jo̧mȩ ttȩpo̧mȩnä̧, däjé jitäwäkua'ajó pä'ümä̧, kua̧'kua̧ tta̧kuȩkuä̧tu̧kuä̧. Jua̧u̧nu̧mä̧ iyäwi'ütä kukuokuäkuotüjä̧, ukuturu pä̧wä̧rü̧jü̧mä̧kü̧, Epíritu Sa̧tu̧tä̧ i̧yä̧kua̧ kukuokuätukua pä'ümä̧.

Mo̧ro̧jä̧'i̧nä̧, pi̧jä̧'i̧nä̧ beipächa'anä̧, ttü chi̧wȩnȩmä̧ yoriso beipächokü jä̧kuȩ.

Ja̧'wa̧nü̧ ja̧'a̧nä̧, jä̧kuȩ mo̧ro̧'i̧nä̧, jä̧kuȩ hora'i̧nä̧ tü'kümä̧ ya̧tȩ'i̧nä̧ yoriso jeruäkuäwa'a, mo̧ro̧jä̧nä̧ kka̧kuä̧tü̧ á̧gȩrȩ'i̧nä̧, I̧tti̧'i̧nä̧ jerupätü. Ja̧'wa̧nü̧ ja̧'a̧nä̧, Jä'otätä ja̧'a̧ wo̧jua̧mä̧.

Ja̧'wa̧ta̧nü̧ kkoromȩ pünä̧ kurä kka̧'a̧ kuä̧ju̧kuä̧tu̧kuo̧mȩnä̧mä̧, yekuekuätükuä. Iweye ja̧'wa̧ta̧nü̧tä̧ 'kuäopa pä'ü rekuä rü̧ja̧'a̧; ja̧'wa̧nü̧ ja̧'a̧nä̧, ji̧nä̧ pi̧jä̧ rȩjȩmä̧ beipächoka'anä̧ jä̧kua̧'a̧.

Ja̧'wa̧nü̧ ja̧'a̧ttü̧, to̧pä̧rü̧ kuä'i'ätukuoka'a kka̧kuä̧tu̧kui̧; isode u̧ru̧wa̧ ichäkuomȩmä̧ kuieruwätukua'attü̧; ni̧pä̧ro̧mȩku̧ jä̧kua̧'a̧ pä'üdä̧jä̧, yodó kkä'ko jä̧kua̧'a̧ pä'üdä̧jä̧, äkärä woa'aku jä̧kua̧'a̧ pä'üdä̧jä̧, mo̧ro̧ juoa'aku jä̧kua̧'a̧ pä'üdä̧jä̧ kuieruwätukua'attü̧. Isopäi'ünä̧ Ttü ku̧ni̧chä̧rä̧tu̧kua̧'a̧nä̧ chichomȩnä̧, ä̧'ä̧rü̧ ku̧'ȩjä̧tu̧ku̧ juiyäkua'anü̧. Ja̧'wa̧nü̧ ja̧'a̧ttü̧, ukuturu pädümä̧ o'katoi'ünä̧rü̧'i̧nä̧ pä'üsä: ¡Kuä'i'ätukuoka'atä to̧pä̧rä̧tu̧kui̧!, jü̧nä̧.

Ja̧'wa̧ta̧nü̧, kko̧ro̧jä̧ ttü̧ja̧'i̧nä̧ kkoro rȩjȩ ttü̧ja̧ku̧ ttürowäwäkuotü; rȩjȩ'i̧nä̧ ttü̧ȩpä̧kua̧'a̧, ppäi'i̧nä̧ ttuttäkuotü kkoromȩ kkoromȩ jü̧'a̧kuä̧. Pi̧yȩmä̧, usurä ȩmä̧kuä̧wä̧ pä'ü kkä̧mä̧da̧'a̧ jä̧kua̧'a̧.

Ja̧'wa̧ta̧nü̧ pi̧jä̧ beipächäkua'a ä'kanä̧mä̧, jareü wȩnȩ jo̧mȩnü̧ ji'äu kättädü o'ka'a jä̧kua̧'a̧.

Isopäi'ünä̧, Ttü chi̧mi̧nä̧ wȩnȩkuä̧rü̧ rekuätü, Ttütäsä Crito-mä̧ pä'ätü ttichäkuotü; ja̧'wa̧nü̧ jȩpü̧ rekuätürü ttesetünä̧ ttüyapärewäkuotü.

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.

Isopäi'ünä̧, Crito i̧mi̧nä̧ yaparewätü'i̧nä̧, profeta tti̧mi̧nä̧ yaparewätü'i̧nä̧ ttichäkuotü, jȩtto̧kü̧ ja̧jü̧juei'i̧nä̧ jȩttä̧kuo̧tü̧, ja̧'wa̧nü̧ jȩpü̧ Tu̧ru̧wa̧ ȩmi̧nä̧u̧ru̧'i̧nä̧ ttesetipünä̧ jȩtta̧ pä'ü tta̧mü̧kuädäkuotü.

Ja̧'wa̧nü̧ ja̧'a̧nä̧ ji̧yȩnü̧ mo̧ro̧ usurä ttȩmä̧u̧ o'ka'a päi'omȩnä̧; kkä̧wa̧mä̧ na̧wi̧'ä̧kua̧'a̧ ja̧'wa̧ta̧nü̧ yodó kkä̧wa̧'i̧nä̧ kkȩdȩpo̧ka̧'a̧ jä̧kua̧'a̧. Ja̧'wa̧ta̧nü̧ si̧ri̧'kü̧mä̧ mo̧ro̧jä̧ttü̧ ttattäwächäkuotü ja̧'wa̧ta̧nü̧ mo̧ro̧jä̧nä̧ kka̧ku̧ ujuru'i̧nä̧ tti̧ȩpä̧kua̧'a̧.