Popular Bible Verses from San Mateo 15

Share

Ja̧'wa̧nü̧ ja̧'a̧nä̧, ttänä̧ räopümä̧ tta̧mi̧so'kittü räopü; ja̧'wa̧nü̧ ja̧'a̧ttü̧ jua̧u̧tä̧tä̧ ja̧'a̧ ttü̧ja̧rü̧ surojuoepümä̧. Isopäi'ünä̧ tta̧mi̧so'kittütä räopa'a suronä̧ tta̧mü̧kuädümä̧, kuä'ü ikuäwämä̧, kkorotü ttü'käwinä̧u̧ku̧ jȩttä̧'chä̧kuä̧u̧mä̧, ttü'käwoko̧u̧ku̧ jȩttä̧'chä̧kuäu̧mä̧, ttünä̧u̧kuä̧rü̧mä̧, ttüyapareumä̧ ja̧'wa̧ta̧nü̧ ttürowäumä̧.

Ttänä̧ doächümä̧ ttü̧ja̧rü̧ surojuepokü ja̧'wa̧nü̧ ja̧'a̧nä̧ ttänä̧ räopütä ja̧'a̧ ttü̧ja̧rü̧ surojuoepümä̧.

Pitü ttü̧ja̧mä̧ ttänä̧tä̧ ukuotü ttesewäkusä, tta̧mi̧ iso'kimä̧ otó wotü ja̧'a̧nä̧. Mikuäwoka'atä eseu jȩttä̧ku̧sä̧; Ttü̧ja̧ weäwätä kkä̧kuä̧wä̧ wȩnȩ 'kua̧rü̧nä̧ ttu̧wo̧juȩta̧'a̧ttü̧.

Ja̧'wa̧nü̧ ja̧'a̧ Jesú-mä̧ päinä̧kua̧: —¡Isoo tta̧'kua̧ wȩnä̧rä̧kuä̧wä̧ rü̧ȩnä̧ kku̧nä̧rä̧ju̧jä̧ttü̧! jua̧u̧nu̧mä̧ kuju'komȩnä̧ 'kuäopä̧kua̧jä̧. Päomȩnä̧, kkittijumä̧ jua̧u̧tä̧ hora-nä̧ na̧jä̧chä̧ji̧ttü̧mä̧ pi̧'i̧nä̧ju̧.

Ja̧'wa̧nü̧ ja̧'a̧nä̧ ä'ka jo̧mȩ 'chä̧wi̧'ü̧ kkiwe'kiyunä̧ pä̧mä̧dü̧ pä'inä̧ju̧: —¡Chu̧ru̧wa̧, ppä'ädittü! Päjomȩnä̧ ädätinä̧kua̧: —adiwoka'a tti̧tti̧mü̧ ttu̧kuȩ jä̧ji̧, ä̧wi̧ri̧tü̧rü̧ iyäwänä̧mä̧. Päomȩnä̧ kkädätinä̧ku̧: —Isopäi'ünä̧tä̧ ja̧'a̧ Chu̧ru̧wa̧; ja̧'wa̧nü̧ ja̧'a̧nä̧ ä̧wi̧ri̧tü̧'i̧nä̧ tturuwotü ttukuomenä̧ mesa isodättü ttawäu kuätü.