Popular Bible Verses from San Mateo 10

Share

¡Ttu̧'ȩpä̧rä̧kuä̧u̧ kka̧kuä̧tu̧kui̧! ä̧ka̧tü̧ to̧ttä̧rä̧kuä̧u̧'a̧nü̧, u̧nu̧ku̧tu̧ jü̧'a̧nü̧ pä̧i̧ juiyünä̧. Oweja-tü̧rü̧ Rowotü̧ ttü̧'kä̧tȩ jo̧mȩ wettajü'anü̧ wȩdä̧u̧jä̧.

A̧'kua̧rü̧ tta̧wä̧rä̧kuä̧wa̧ pä'ü amükuädümä̧, to̧ȩ'ä̧chä̧kua̧ ja̧'wa̧nü̧ ja̧'a̧nä̧ ttü jäwänä̧ to'e'ächümä̧, a̧'kua̧rü̧ ü̧'o̧kui̧'ä̧kua̧.

Ja̧'wa̧ta̧nü̧ kuidepätuku kuä'ü ikurumä̧ yekuekuätukuä, jua̧u̧mä̧ kua̧'kua̧rü̧mä̧ kuä'ü ikuokü; ji̧nä̧somä̧ kua̧'kua̧rü̧ kuä'ü ikuru, kuidepä okurä beipokaränä̧ kuä'ü ikurütä ye'ekuätukui.

Ja̧'wa̧ta̧nü̧ ü̧jo̧kä̧nü̧ jäi kä'eku wȩnä̧wi̧'ü̧ cho'ka'anä̧ ichü juiyüttümä̧, ttü i̧sa̧mä̧ wokü jä̧kua̧.

Ja̧'wa̧nü̧ ja̧'a̧ttü̧, ya̧tȩ ttürü u̧wo̧jua̧'a̧ ttü̧ja̧ ttä'ka jo̧mȩttü̧ jiäuttümä̧, ttü'i̧nä̧ Chä'o mo̧ro̧jä̧nä̧ kkü̧ ä'ka jo̧mȩttü̧ jua̧u̧ru̧ chu̧wo̧jua̧'a̧ ji̧dä̧wä̧kua̧sä̧; isopäi'ünä̧ ya̧tȩ ttü̧ja̧ ttä'kajo̧mȩttü̧, ttürü ieruwa'a jiäuttümä̧, ttü'i̧nä̧ Chä'o mo̧ro̧jä̧nä̧ kkü̧ ä'ka jo̧mȩttü̧ jua̧u̧ru̧ chieruwa'a ji̧dä̧wä̧kua̧sä̧.

Na̧nȩpä̧tü̧rü̧mä̧ aditü iku, 'korujuo'ächätürümä̧ tto'ädü kku̧nu̧, Repra mä̧richei na̧nȩpä̧tü̧rü̧ aditü iku kkä̧nü̧, epíritu-tu̧ suropätürü'i̧nä̧ rä'epü kuikuätukuajä̧. Mippoünä̧ kuȩminä̧tu̧ku̧ ja̧'a̧ttü̧, mippoünä̧ iyäjätukui.

Ja̧'wa̧nü̧ ja̧'a̧ttü̧ yekuekuätukuä: ukutumä̧ ppi̧yu̧ o'katoi'ünä̧ttü̧'i̧nä̧ abonä̧nü̧ mikuäwätüjä̧.

Pi̧jä̧ra̧'a̧mä̧ wȩnȩ juiyünä̧ kkä̧kuä̧wä̧ i'kächinü̧ pä'ümä̧ kuamükuädätukuä; wȩnȩ juiyümä̧ i'chächokü pinü̧sä̧, kurodätä i'kächinü̧sä̧.