Popular Bible Verses from लुका 8

Share

तर मलिलो जग्‍गानाइ पर्‌ल बिउ चाइ होलत हो, जुनिन परमेसोरकर बचन सुनिके बिस्‍वास गर्‌छत र इमान्‍दारि हकिके पालन गर्‌छत होल्‍किन ठिक-ठिक समयनाइ फल फलाइछत।”

काँटो घारिनाइ पर्‌ल बिउ चाइ होलत हो, जुनिन परमेसोरकर बचन सुन्‍छत र बिस्‍वास गर्‌छत तर जिबनकर चिन्‍ता, धन-सम्‍पतिकर लोब, सुख र मोज-मस्‍तिन गर्‌तिन बिस्‍वासनाइ बाढइ बइसकत र होइनिन केइ फल फलाइ बइसक।

ढड्‌यान जग्‍गानाइ पर्‌ल बिउ चाइ होलत हो, जुनिन परमेसोरकर बचन सुनिके खुसिसिन सुइकार गरिहाल्‍छत तर बचन हिर्‌दय भित्‍रबान बिस्‍वास बइगर्‌ल हुदान दुख कस्‍टकर समयनाइ होल्‍किन बिस्‍वास गरइ छाड्‍छत।

येसुन होल्‍काइ बल्‌-ल्‍याक, “तोराल्‍को बिस्‍वास खइ?” ह्‍य देखिके होलत डाराइला र छक्‍क पर्‌तिन आपसनाइ बाजइ लाग्‍ला, “ह्‍य ता किन्‍खा खालकर मानुस रइलसइ? हेइनिन हाकार्‌लपछि ता हुन्‍डरि र छालिन पुनि हेक्‍र आग्‍या मान्‍छत।”

बाट्‌नाइ पर्‌ल बिउ चाइ होलत हो, जुनिन परमेसोरकर बचन सुनइ ता सुन्‍छत तर बचन सुनिके बिस्‍वास जुनगर्‌दिखन र जुनबाँच्‍दिखन बाजिके दियाबलसिन आइके होल्‍को हिर्‌दयबान बचन लाकाइदिस्‍याक।

अनि नुकाइके धर्‌ल सेब्‍बे कुरो देख्‍नार आछत र गोप्‍पे कुरो सेब्‍बाल्‍किन था पाइनारआछत।

ह्‍व बेटिन अब मुइ नुकिधरइ बइसकु बाजिके था पाइके डरिन काम्‍तिन आइलि र येसुकर अगाडि घोप्‍टो पर्‌लि, होइनिन येसुलाइ किनारइ छुइलि र छुइलसात बिसेक हक्‍ल कुरो सेब्‍बाल्‍को अगाडि बाज्‍लि। येसुन होलाइ बलल्‍ते, “नानि, तोर बिस्‍वासिन तुइ बिसेक हक्‍लाछस, अब ढुक्‍कसिन जा।”

होइ हुदान चेलाल्‍किन आइके येसुलाइ उठाइतिन बाजइ लाग्‍ला, “गुरु, गुरु, हाइ ता डुबइ आट्‍ले।” अनि येसु उठिके हुन्‍डरि र बुङ्‌डो-बुङ्‌डो छाललाइ हाकार्‌ले। उत्‍तिने खेर थामिल्‍ते र सान्‍त हकिहालल्‍ते।