Popular Bible Verses from लुका 14

Share

“यदि कोइ मोर पछि लागइ चाइछइ भने होइनिन आफ्‍ने आमेक-ब्‍वाक, बोहेक, बेटाक-बेटेक, दाजि-भाइ, दिदि-बइनि र आफिलाइ मुइलाइ भन्‍दा धेरइ मया गर्‌छइ भने ह्‍व मोर चेला हकइ बइसक।

जुनिन आफ्‍ने कुरुस आफि बोकिके मोर पछि बइलाग भने ह्‍व मोर चेला हकइ बइसक।

किनारइभने जुनिन आफिलाइ उच्‍च पार्‌छइ ह्‍व होच्‍याइछइ र जुनिन आफिलाइ होच्‍याइछइ ह्‍व उच्‍च हक्‍नारआछ।”

होइ हुदान तोरा मद्‌दे जुनिन आफिसिन हक्‍ल सेब्‍बे कुरो त्‍यागइ बइसक, ह्‍व मोर चेला हकइ बइसक।

यदि तोरा मद्‌दे कुन्‍नुल्‍किन धरहरा बानाइ चाइछो भने, कत्‍ता खर्‌च लाग्‍छइ, आफिसिन हक्‍ल खर्‌चन पुग्‍छइ कि बइपुग बाजिके केति होइनिन पइला ने हिसाब बइगरक र? यदि होइनिन धरहराकर जग धरिके पुरा गरइ बइसक्‍ले भने, देख्‍नारकिन होलाइ गिल्‍ला गर्‌तिन बाज्‍नारआछत, ‘ह्‍य मानुसिन बानाइ ता सुरु गर्‌ले तर पुरा गरइ बइसक्‍ले।’

बुरु तुइनिन भोज लाइतिन गरिबकाइ, लङ्‍गडाल्‍काइ र अन्‍धाल्‍काइ बालाउ। तब तुइनिन आसिस पाइनारआछस, किनारइभने होल्‍किन तोर गुन फर्‌काइ बइसकत। तर धर्‌माति मान्‍छेलत मर्‌लबान जिउँते हक्‍तिन हेक्‍र इनाम तुइनिन पाइनारआछस।”

“नुन मजार चिज हो, तर नुनकर स्‍वाद जाल्‍ते भने फेरि ह्‍व केतिन नुनिलो पार्‌नार? ह्‍व ता न जमिनकर लागि न मलकर लागि काम लाग्‍छि होइ हुदान मान्‍छेल्‍किन फ्‍याङ्‍छत। जुनकर सुन्‍नार कान आछि, होइनिन सुन्‍दिक।”