Popular Bible Verses from पेरित 1

Share

तर पबित्‍र आत्‍मा तोराल्‍कोनाइ आइल पछि तोराल्‍किन सक्‍ति पाइनारआछो, र तोरा यरुसलेमनाइ, सेब्‍बे यहुदियानाइ, सामरियानाइ र धर्‌तिकर कुना-कुनासम्‍म मोर साछि हक्‍नारआछो।”

येसुन होल्‍काइ बल्‌-ल्‍याक, “हेक्‍र समय तोक्‍नार अधिकार ता ब्‍वासिन मात्‍र आछि, ह्‍य जान्‍नार तोराल्‍को काम बया।

येसु होल्‍कोसिन हक्‍तिन होल्‍काइ इन्‍खा आग्‍या दिल्‍याक, “ब्‍वान तोराल्‍काइ दिछु बाजिके पर्‌तिग्‍या गर्‌ल बरदान बइपाउन्‍जेलसम्‍म तोरा यरुसलेम छाडिके कत्‍थुनि जुनजाओ। हेक्‍र बारेनाइ तोराल्‍किन पइला ने मुइबान सुनिसक्‍लाछो। किनारइभने युहन्‍नान ता पानिकर बप्‍तिस्‍मा दितेल, तर अबकर केइ दिन पछि तोराल्‍किन पबित्‍र आत्‍माकर बप्‍तिस्‍मा पाइनारआछो।”

येसुन धेरइ दुख भोगिकइ कुरुसनाइ मर्‌लपछि आफि साँच्‍चि ने जिउँते हक्‍ल कुरो भिन्‍दे-भिन्‍दे तरिकाबान देखाइले, र चालिस दिनसम्‍म घरि-घरि होल्‍कोनाइ देखा पर्‌ले। अनि होल्‍कोसिन परमेसोरकर राज्‍यकर बारेनाइ कुरो गर्‌ले।

येसुन ह्‍य कुरो बाजिसक्‍ल पछि होल्‍किन हेर्‌तिन-हेर्‌तिन येसुलाइ स्‍वर्‌ग उठाइ लाकाल्‍ते। बादलिन येसुलाइ छोपल्‍ते र येसु होल्‍को आँखिबान नाठ्‌ले।

जब होल्‍किन येसुलाइ आकासदिस उचालि लाकाइधर्‌ल एकोरो हेरिधर्‌लाइ रइला, तब एक्‍कासि एकदम गोरो लुगा लाइलाइ दुइटाइ मान्‍छे होल्‍को छेउनाइ ठडाइला। होल्‍किन बाज्‍ला, “गालिलकराइ मान्‍छे हो, तोरा किनारइ आकासदिस हेर्‌तिन ठडाइधर्‌लाछो? येसु ता स्‍वर्‌ग जाइसक्‍ले, जिनिखे अखन तोराल्‍किन येसुलाइ स्‍वर्‌ग जाइधर्‌ल देख्‍लाछो, उनिखे ने येसु फेरि आइनारआछ।”