Popular Bible Verses from Luk 21

Share

Kinaat neeh, genaat kiim Kooh, ɗu min raak hatil mucoha ŋ in ceem po Kuɓkiŋ ɓoyi hay ɗah, ɗu min tufuk ŋ fikiice. »

Tumaat ndaangka, kinaat tum kipes kiŋ ɗu an na laar te kinaat apuk ŋ in ciŋ Adina mbaa mbeheem hey ɗu mbipe

Ɗu amb ndengiɗ ɗah, ɗu hey rahse kipes kiŋ ɗu.

Laam e mi onan ɗu liiɓohaaɗ moɗiɗ po ali ɓo' ŋ ɓi sang ɗu minanɗi ngel na ɗu.

Eel ci na kehƴi hey coote waaye woo ciŋ ngo moosanɗi cootoh.

Ɓi in hey hotke ŋ nohi, na caɓni na hor ci, te ŋ kehƴi, ɗuuɗiŋ cookmi na ginaah ciŋ wa hey feye ɓooɓi po ɓa inhissuu in ci ɓa haɓɗan. Hatil ci nik ŋ eel ci hey yoondɗasse, ŋ ineem ɓooɓi hey liiɓe ŋ in ci raakan ŋ kehƴi, wa hey ɓa tahe reɓ kaan sagu tiit. Teemb ndeem ɓa hey hote Kuɓkiŋ ɓoyi hayee ŋ eel, a hun na hatil, na yaki keeh-keehi a yak.

Ɓooɓi jen hey ɗu sange saguuso.

Kehƴi hey yoondɗuke keeh-keeh ŋ ɓi ɗisik laayiɗ te ŋ kur laayiɗ aɗ na kosaay ci kaɓkohan hey raake nga. Ɓi in tiitɗohiɗ hey raake ; te ŋ eel ci ɓi in feyohiɗ hey hotke nga.

Kaɗ po ɗu kerah ɓi hiñoh yakak, wala ɗu kerah ɓi yoond ɗah, kinaat jaahiɗ ; in ceem joy joy raak paaɗ, waaye nikanɗi ne a Adina na reehe. » Yeesu degga nga ne : « Kur hey hiñohe na kur morom wa, buur hey hiñohe na buur morom ce.

Ɓi in hey hotke ŋ nohi, na caɓni na hor ci, te ŋ kehƴi, ɗuuɗiŋ cookmi na ginaah ciŋ wa hey feye ɓooɓi po ɓa inhissuu in ci ɓa haɓɗan. Hatil ci nik ŋ eel ci hey yoondɗasse, ŋ ineem ɓooɓi hey liiɓe ŋ in ci raakan ŋ kehƴi, wa hey ɓa tahe reɓ kaan sagu tiit.

Yeesu degga nga ne : « Kur hey hiñohe na kur morom wa, buur hey hiñohe na buur morom ce.

Yeesu loffa ne : « Wortukaat muuƴɗu laam ɓo' laayiɗ hey haye, ɓa kooɗ tiikiŋ ngo ɓa woyee ne ɓeɗ Mucɗohi Gapohse, ɓa namee woo ne jamanooni reyiɗ ; kinaat ɓa taambiɗ ŋ ineem.