Popular Bible Verses from Mateus 6

Share

Kongeni ano tango otshirongo tsha Karunga nokuuka kue, jo ajishe mbika onamu ji guederua ko ouara.

Ano inamu mbandarera esiku rja ngura, oshoka esiku rja ngura ori inena tsharjo. Keshe tuu esiku ori inena otshimpuju, tsharjo.

Otsho ano andi mu rombuere: Inamu kara mua mbandara keemuenjo deni, nokutja otamu ri tshike nenge komarutu geni nokutja amu zara tshike? Omuenjo nani kagu vure eendia norutu nani karu vure eenguuo?

Ngueje ano, nge to garikana, inda mondunda hohe, edira otsheero, nde to garikana ku Sho, nguee ku uetikue, nde Sho, ngu e uete mehoramo, one ku futu.

Ano garikaneni ngii: Tate hetu, ngu u ri meguru, edina rjohe nari japurue. Uukuaniirua uohe nau je ku sse, eharo rjohe nari guanicue kombanda hevi ngashika meguru.

Tu pa nena okurja kuetu komasiku ageshe.

Tu dimina po eendjo detu ngashi sse uo hatu dimine po aanandjo na sse.

Ino tu fara memakero, ndere tu upica muuineji. Amen.

Oshoka nge mua dimina po aantu eendjo dauo, Sho heni meguru ote ke mu dimina po uo eendjo deni.

Tareni eedira do meguru! Kadi kuna, kadi teja, kadi pungura momashisha, ndere Sho meguru ote di paruca. Ne nani kamu di vure unene?

Inamu igongera omariko go muujuni, nga taga tukua kiikogo no keentuko, na nga taga jakua po keembudi. Ndere ingongereni omariko go meguru, mu itaga tukirua kiikogo no keentuko, na mu itamu hi uo eembudi, di ga jake mo. Oshoka hu ku na eriko rjohe, omutima guohe oko gu ri uo.

Kapen’omuntu ta vuru okukarera oojene jaari, oshoka ota kara a tonde po gumue, he e hore mukuauo; nenge ota kara i igameke ku gumue po, he ta dini mukuauo. Itamu vuru okukarera Karunga nomariko.

Na ngashiingino Karunga, ng’okua zareka omuidi guo meputa guo opara, ngu gu ri po nena, nde ngura otagu ekerua meziko: nani ne itamu zarekua nduno unene mu gu vure, janenguni mehiteero ne?

Ndere ng’oto gandja omagano, eke rjohe rjo kumosho inari tshiua, rjo kurjo shi ari ningi. Opo omagano gohe ga kare mofuci, nde Sho, ngu e uete mehoramo, one ku futu.

Diginineni, kamu kembadare iironga iiuanaua jeni miipaci jaantu, mu tarikue ku jo; nge tamu tshi ningi, kamu nondjambi pu Sho, ngu e ri meguru.

Nge tamu ikerere iikurja, inamu tara ng’ooneruado nomesho ga fa ga rura, oshoka jo otaa pirike iipara jauo, aantu ja tje, nokutja oji ikerera iikurja; tshiri, andi mu rombuere: oje nondjambi hauo nare. Ngueje ano, ng’otu ikerere iikurja, guajeka omutse guohe, ngueje u koshe uo otshipara tshohe, Aantu kaa dimburure okuikerera kohe, aaue, Sho oh’ike na kare e tshi tshi tuu, ngu e uete mehoramo, nde Sho, ngu e uete mehoramo, one ku futu.