Popular Bible Verses from लुका 22

Share

ओनेन् कहिकेभइल “हे बुबा, तेउह्र इच्‍छा भइने, इसे दुखक कचुरा मेराकमाटे हाटाइदेओ। मेर इच्‍छायँ नइजे, तर तेउह्र इच्‍छा पुरा भउस्।”

तर मोइ तेर बिस्‍वास झुनडगमगाउस कइकुन तेर लागि पार्‌थाना करिदेल बाटम्। तोइ फेरि मेरलघि फर्‌कलपाछु तेर भाहिरसब्‍के पुनु बिस्‍वासयँ बलियो बानाइकेपरित।’”

हसे येसुइ रोटि लिकुन, परमेसोरके धन्‍यबाद चाढाइकुन रोटि टुक्राइकेभइल र चेलासब्‍के यस्‍के कहतिन् देइकेभइल, “तेउह्रासब्‍के देल इसे रोटि मेर देहि हखइ। आबेसे मेर सम्‍झनाक लागि खइलाहार करउ।”

ओसिनकरिकुन खाइ सक्‍लपाछु ओनेनेइ कचुरा लेइकेभइल र कहिकेभइल, “इसे कचुरा तेउह्रसब्‍क लागि बोहाल मेर रकतयँ बाध्‌ल लओ बाचा हखइ।

ओनेन्‌क मन दुखइ भरिलगुनेइ ओनेन् झन धेरइ पार्‌थाना करिकेभइल। ओनेन्‌क पसिना रकतक बड्‌क-बड्‌क थोपाजस्‍नइ भुइयँ झर्‌ल।

तर तोहेसब चाहिँ ओस्‍नइ भइकेनाभइ। तोहेसबमद्‌धे सभइसे बड्‌क भइके खोज्‍लाहार चाहिँ सभइसे नान्‍हि भइकेपरित र अगुवा भइलारइ चाहिँ सेवा करुस्।

हसे येसुइ कहिकेभइल, “पत्‍रुस मोइ साच्‍चिकइ तेह्राके कहतम्, तोइ कालु बेहेन मेराके नाचिनम कइकुन भाले बास्‍लारकते आघु तिन पल्‍टसमन इन्‍कार कर्‌तस।”