Popular Bible Verses from प्रेरित 1

Share

तर तेउह्रउप्र पबित्‍र आत्‍मा अइनेपार सक्‍ति पाउताहाउ, हसे तोहेसब यरुसलेमयँ, जम्‍मइ यहुदियायँ, सामरियायँ र पिर्‌थिबिक कोन्‍धोर-कोन्‍धोरसमन मेर साछि भइताहाउ।”

येसुइ उसब्‍के कहिकेभइल, “इसे कुराक समय त बुबाइ आफ्‍निक अधिकारकमाटे तोकिके भइल बाटत, जोनो तोहेसब जानिके नापरइ।

ओनेन् उसबसाङ खइलाहार कुरा खाइके बोसिकेभइल बेलायँ उसब्‍के यस्‍न आदेस देइकेभइल, “बुबाइ करिकेभइल प्रतिग्‍या पुरा नइजेभइलसमन तोहेसब यरुसलेम छाडिकुन कतेहुन् झुनजाओसब। जोक्र बारेयँ तोहेसब पइला पुनु सुनिसक्‍ल बाटउ। युहन्‍नाइ त पानिइ बप्‍तिस्‍मा देल, तर केहाउ दिनपाछु तेउह्रसब्‍क पबित्‍र आत्‍माकमाटे बप्‍तिस्‍मा भइत।”

येसुइ धेरइ दुख भोगिकुन क्रुसयँ मोरिके भइलपाछु चालिस दिन भितर घरिघरि उसब्‍कलघि देखार पोरिकुन बिभिन्‍न किसिमक पक्‍का पर्‌मानकमाटे आफ्‍नके जिउतइ बाटम कइकुन देखातिन परमेसोरक राज्‍जेक बारेयँ उसब्‍के बाताइकेभइल।

येसुइ इसे कुरा कहिके भइलपाछु, उसबेइ चाहातिन्-चाहातिन् सोर्‌गयँ लेजाइकेभइल र ओनेन् उसब्‍क नजरसे बाद्रियँ बिलाइकेभइल।

जब उसब एकोहोरो भइकुन आकासपटि चाहिराख्‍ल रहत, तब अन्‍चक्‍लइ गोरो लुगा लागाल दुइ जेना बेटा मानुस उसब्‍कइ आघु ठोडेल। हसे उसबेइ कहल, “ए गालिलक मानुससब, किके आकासपटि चाहातिन् ठोडेइरहल बाटउ? येसु त सोर्‌गयँ लेजाइकेभइल। जस्‍के येसु सोर्‌गयँ जाइराखिकेभइल देख्‍ल बाटउ, ओसिनकरिकुन एक दिन ओनेन् फेरि फर्‌किकुन अइताहात्।”