Popular Bible Verses from लुका 6

Share

अरुके देहेउ, र ताहान्‍के पनि देहेताइ। ताहान्‍के झन खादि खादि झुसि पारिकनि देहेताइ। फालेलार गरि फिनमा घाल्‍देताइ। जुन नापइ अरुकहान्‍के ताहान्‍इ देताओ ओइ नापइ ताहान्‍इ पनि पाउताओ।”

नाम्‍रो मन होख्‍लो मानिसइ नाम्‍रे धन्‍दा गर्‌ताइ नानाम्‍रो मन होख्‍लो मानिसइ नानाम्‍रो धन्‍दा गर्‌ताइ। क्‍यारेकनिसिन ज्‍या ओख्‍रो मनमा रताइ ओइ बोलि मानिसइ बोल्‍ताइ।

तर आफ्‍नो दुस्‍मनहान्‍के माया गर्‌हेउ। अनि उनहान्‍के नाम्‍रो गर्‌हेउ। रिन माग्‍लारके फिर्‌ता नालेलार आसइ रिन देहेउ। एस्‍ने गर्‌निसिन ताहान्‍इ बड्‌को इनाम पाउताओ र ताहान बड्‌को परमेस्‍वरको सन्‍तान कहलाएताओ। क्‍यारेकनिसिन परमेस्‍वरइ बइगुनि र स्‍वार्‌थिके पनि दया गर्‌ताइ।

ताहान्‍को परमेस्‍वर बुबा दयालु बाटि। ओस्‍ने ताहान पनि दयालु होखेउ।

“आर्‌कोको गल्‍ति झिनखोजेउ र ताहान्‍को गल्‍ति पनि नाखोजेताइ। अरुके दोस झिनलगाहेउ, अनि ताहान्‍के दोस नालगाहेताइ। माफ गर्‌हेउ र ताहान्‍के पनि माफ गर्‌हेताइ।

“तर मोरो बोलि ताहान्‍के मइ कतिन दुस्‍मनहान्‍के माया गर्‌हेउ, घिडा गर्‌लारहान्‍के नाम्‍रो ब्‍यबहार गर्‌हेउ, ताहान्‍के सराप्‍लारहान्‍के आसिरबाद देहेउ, र ताहान्‍के ननाम्‍रो गर्‌लारहान्‍के ओख्‍रो नाम्‍रोको लागि पर्‌थना गर्‌देहेउ।

अरु मानिसहान्‍इ ताहान्‍के क्‍या गर्‌देलो चाहाताओ ओस्‍ने ताहान्‍इ पनि अरुहान्‍के गर्‌हेउ।

जुनइ तोरो एक गालामा चड्‌काताइ, आर्‌को पट्‌टिको गाला पनि फर्‌काइ देहेउ। तोरो कोट लुट्‌लारके, तोरो गन्‍जि पनि लेगेदेहउ। ताहान्‍सिन माग्‍लारहान्‍के देहेउ, ताहान्‍को चिजबिज लेग्‍लारसिन फेरि झिनमाघेउ।

“नाम्‍रो रुखमा ननाम्‍रो फर नाफर्‌ताइ, न त ननाम्‍रो रुखइ नाम्‍रो फर फराताइ।

हरेक रुख ओख्‍रो फरभि चिन्‍हेताइ। काटोको झ्‍याङभि नेभारा नाटिप्‍हेताइ न त अङ्‌गुर टिप्‍हेताइ।