Popular Bible Verses from लुका 24

Share

चाहो, मोरो बुबाइ गर्‌लो बाचा मइ ताहान्‍ठुँ पठातिन। तर स्‍वर्‌गको सक्‍ति नापाउनज्‍याल सम्‍म ताहान एइ सहरमा ज बिसि धार्‌हेउ।”

उ इथि नाटि, जिउते होखिकनि उठ्‌लाटि। गालिलमा रतेखेरि ताहान्‍के येसुइ क्‍या कलो रहिक्, उ सम्‍झेउ।

जब उनहान्‍को आँखि खुलिक, तब उनहान्‍इ येसुके चिन्‍वाइ, र उनहान्‍को नजरभि येसु बिलाहिक्। अनि चेलाहान्‍इ एक आर्‌कासिन कहाइ, “जब उ हामिसिन बाटमा बोल्‍तिहि गर्‌ते, र धर्‌मसास्‍त्‌रको अर्‌थ बुझाते हाम्‍रो मन रमाइलो नारहिक् र?”

र ओइ उनहान्‍के कहिक्, “धर्‌मसास्‍त्‌रमा एस्‍के लेखेलाटि, मुक्‍ति देलाहार खिरिस्‍टइ दुख भोगिकनि तिन दिनमा फेरि मर्‌लोभि जिउते होख्‍ताइ। खिरिस्‍टको नाउँमा आफ्‍नो पापके मानिलिहिकनि पाप गरे छाड्‌निसिन पापको माफ पाहेताइ कलाहार कुरा सभइपट्‌टि प्‌रचार होखेपर्‌ताइ। इ कुरा येरुसलेमभि सुरु गरिकनि सभइ जातको मानिसहान्‍के सुनाए पर्‌ताइ।

जब उनहान ओइ ठउँमा आइपुग्‍वाइ, तब चिहान्‍को मुखमा छेके धार्‌लो पाथर हटाइहेलो भेट्‌वाइ। अनि उनहान चिहान भित्‌र पिस्‍वाइ तर पर्‌भु येसुको लास नाभेटावाइ।