Popular Bible Verses from लुका 14

Share

“मराइ पछ्‌याए खोज्‍लारइ आफ्‍नो बुबाआमा, दाजिभइया, दिदिबहिनि, छउनाछउनि, परिवार र आफिके कते बड्‌ता मराइ माया गरे पर्‌ताइ नत्‍र मोरो चेला बने नासक्‍ताइ।

आफ्‍नो कुरुस बोकिकनि मराइ नापछ्‌यालार चाहि मोरो चेला होखे नासक्‍ताइ।

क्‍यारेकनिसिन आफि बड्‌को होखे खोज्‍लारहान बिर्‌झिन होख्‍तात् र आफिके बिर्‌झिन बनालारहान चाहि बड्‌को होख्‍तात्।”

ओसिगर्‌ते ताहान्‍इ आफिसिन होख्‍लो सभइ चिज नाछाड्‌ताओ कनि उ मोरो चेला होखे नासक्‍ताइ।

यदि कुनुहि धरहरा बनाए इच्‍छा गर्‌नि। ओइ बनाए कते पहिलिहि ज कत्‍का खर्‌च लाग्‍ताइ कहि हिसाब नागर्‌ताइ र? धरहराको जग बनाइकनि पुरा गरे नासकिक् कनि देख्‍लार मानिसहान्‍इ ओख्‍रो खिसि गर्‌तात्। र कतात्, ‘इ मानिसइ बनाए त खोजिक, तर पुरा बनाए नासकिक्!’

बरु भोज गर्‌ते गरिब, लङडाहान र अन्‍ध्‌राहान्‍के नेउता देहेउ। एस्‍ने गर्‌नेसिन ताहान्‍इ आसिस पाउताओ क्‍यारेकनिसिन उनहान्‍इ ताहान्‍के केइपनि देहे नासक्‍तात्। तब धर्‌मि मानिसहान मर्‌लोभि जिउते होख्‍ते परमेस्‍वरइ ताहान्‍के सभइ इनाम देतात्।”

“नुन नाम्‍रो चिज हो, तर नुनको स्‍वाद अलिन होख्‍नि फेरि क्‍याइ नुनिलो बनाए। उ मल पनि नाहोख्‍ताइ र माटिमा पनि नामिल्‍ताइ अनि मानिसहान्‍इ ओतिके हुर्‌याइ देतात्। जोख्‍रो कान बाटि, ओइ सुनो।”