Popular Bible Verses from पेरेरित 1

Share

तर पबित्‌र आत्‍मा ताहानमा आइसक्‍लोपाछु ताहान्‍इ सक्‍ति पाउताओ, अनि ताहान येरुसलेममा, सभइ यहुदिया इलाकामा, सामरिया इलाकामा र धर्‌तिको छेउसम्‍म मोरो गबाहि होख्‍ताओ।”

ओंइ उनहान्‍के कहिक्, “कन्‍हा इ कुरा होखे आउताइ कहिकनि जाने खोजे ताहान्‍को धन्‍दा नाहो। इ त बुबाइ आफ्‍नो अधिकारभि तोक्‍लो कुरा हो।

र उनहान्‍सिन भोजमा बिस्‍ते ओंइ उनहान्‍के एस्‍नो आग्‍या दिहिक्, “ताहान येरुसलेमभि कतहुँ झिनजाहेउ, तर बुबाइ पबित्‌र आत्‍मा पठातिन कहि गर्‌लो बाचा पुरा होखेके लागि पर्‌खेउ। एख्‍रो बारेमा ताहान्‍इ मइभि सुनिसक्‍लाटो। युहन्‍नाइ त पानिइ बप्‍तिस्‍मा दिहिक्, तर आबको केइ दिनमा पबित्‌र आत्‍मामा ताहान्‍को बप्‍तिस्‍मा होख्‍ताइ।”

दुख भोगिकनि कुरुसमा मरिसक्‍लोपाछु उ चालिस दिनसम्‍म उनहान्‍ठुँ घरि घरि देखा परिक्, आफिके जिउते बाटिन् कहि धेरे पक्‍का सबुतहानभि उनहान्‍को सामु देखाइक। अनि परमेस्‍वरको राज्‍यको बारेमा उनहान्‍के कहिक्।

ओंइ एत्‍का कहिसक्‍लोपाछु, उनहान्‍इ चाहते चाहते उ उप्‍रो उठाइहिक, र बद्‍रिमा उ उनहान्‍को नजरभि भुलाइक।

जब उनहान्‍इ उ जाइधार्‌लो एकटक लगाइकनि आकासपट्‍टि चाहिधार्‌लो रहाइ, तब एक्‍कासि उज्‍रो लुगा लगालो दुइ जना मानिस उनहान्‍को नजिक ठेढावाइ र उनहान्‍इ कहाइ, “ए गालिल इलाकाको मानिस हो, ताहान क्‍यारे आकासपट्‍टि चाहातिहि ठेढाइधार्‌लाटो? एइ येसु, जुन ताहानभि स्‍वर्‌गमा लेग्‍घिक, आन्‍हा जस्‍ने ताहान्‍इ ओख्‍राइ स्‍वर्‌ग गेलो देखो, ओस्‍ने ज उ फेरि आउताइ।”