Popular Bible Verses from San Marcos 4

Share

Saa ndi̱koo ra ndi̱kaꞌan ra xiꞌin tachi íꞌna, ta ndi̱kaꞌan tu ra xiꞌin nduta ñûꞌu va, káchi ra saa: ―¡Yaa koo un nduta ñûꞌu, siyaa un! ―káchi ra xiꞌin rá. Saa ndikun siyaa tachi íꞌna, ta si̱yaa tu nduta ñûꞌu va, iin yayaa ku̱u. Sindiꞌi saa ndi̱kaꞌan ra xiꞌin nda ítaꞌan xiꞌin ra, káchi ra saa: ―¿Ndachu íꞌvi ni ndo? ¿Án köo ndáa ini ndo Ndioxi ya kundaa ra yoo? ―káchi ra xiꞌin nda.

Ta íꞌvi ka vi nda ndóo nda, saa ndi̱ndakan tuꞌun taꞌan nda, káchi nda saa: ―¿Ndá taa ku ra yóꞌó yakan vaꞌa xíni soꞌo tachi nǎꞌa tin xíni soꞌo nduta ñûꞌu tuꞌun káꞌan ra? ―káchi nda xiꞌin taꞌan nda.

Ta Jesús ndi̱naa ini ra, índuꞌu ra kíxi ra nda kaꞌa nu, ndíkaa toto xiní ra índuꞌu ra. Saa ndi̱xaa nda si̱ndikoo ñaꞌa nda, káꞌan nda xiꞌin ra, káchi nda saa: ―¡Tata, maestro! ¿Án köo ndíꞌi ini un ìyo ni ndikava tun barco xiꞌin yo ini tikuii? ―káchi nda xiꞌin ra.

Saa ndi̱kaꞌan ka ra xiꞌin na, káchi ra saa: ―Kuenta ni koo ndo xiꞌin ya xíni soꞌo ndo, chi tá kuꞌva íkan ndo, saa ikan Ndioxi xiꞌin ndo, ta ndee ka ikan ra xiꞌin ndo taxi kuaꞌa ka ra ya kundaa ini ndo.

Saa ndi̱kaꞌan tuku Jesús, káchi ra saa: ―Tá ndóꞌo ndikin ya xíta yava chíꞌi iin taa nuu ñuꞌú ra, saa íyo ichí nuu xáꞌnda chiñu Ndioxi. Chi iin ra chíꞌi ndikin, ta kíxi ra ñûu saa ndíkoo ra nduvi, ta ndúta ndikin chíꞌi ra saa xáꞌnu ya ta ni köo xíni ra ndá kuꞌva xáꞌnu ya.

Ndiꞌi ndóꞌo̱ xíni soꞌo ya káꞌan i, ta kuni soꞌo ni ndo ya káꞌan i xiꞌin ndo ―káchi Jesús xiꞌin na.