Popular Bible Verses from San Mateo 23

Share

Ta ra kaꞌnu ni ka nuu ndo ku ra xíniñuꞌu koto vií xiꞌin ndo, xaa súvi ra ndá ka chiñu nuu ndo.

Saa chi ndiꞌi na xáa kaꞌnu xiꞌin mií, ta nduu na ni̱nu̱ ni ikan Ndioxi, ta ndiꞌi na xáa ni̱nu̱ xiꞌin mií ta nduu na, na naꞌnu ni ikan Ndioxi ―káchi Jesús.

’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi táxi ndo iin koꞌndo ya táva ndo tixin uxi koꞌndo iku kána chíꞌi ndo, ta táxi ndo ya ndaꞌa Ndioxi. Ta köo xáa súvi ndo ñaꞌa ya ndixa xíniñuꞌu ndo xaa súvi ndo nuu Ndioxi. Ya kúni Ndioxi ku ya ikan ndo ya ndaku xiꞌin naꞌa, saa kundaꞌvi ini ndo kuni taꞌan ndo tin kandixa ni ka ndo Ndioxi, ya yóꞌó ku ya ndáa yaꞌvi ni. Xíniñuꞌu ndo xaa súvi ndo chiñu ndee ni yóꞌó nuu ra, ta xïkuiin ndo ikan ndo inka ka chiñu vali nuu ra.

’¡Ndaꞌvi ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! chi tá íin na ndíkata sata vaso xiꞌin sata koꞌo nuu xíxi na, saa íin ndo. Chi vaꞌa ni va náꞌa ndo nuu naꞌa, sundi ini ndo ta iin chútu ndaa ya kuiꞌna xiꞌin ya väꞌa.

Saa ndi̱kaꞌan tuku Jesús, káchi ra saa: ―¡Ndóꞌo̱ ñuu Jerusalén, kúsuchi ni ini i xíni i ndóꞌo̱, saa chi ndóꞌo̱ xáꞌni nda profeta ku ndo, ta káni ndo yu̱ú sata nda ti̱ꞌvi Ndioxi vaxi kaꞌan ndoso tuꞌun ra xiꞌin ndo. ¡Ndisaa vi ichí ndi̱kani ini i xiꞌin ndo ndikaya i ndóꞌo̱, tá kuꞌva ndíkaya nduxi tiatan seꞌe ri kuakee na tixin ri, saa ku̱ni i ikan i xiꞌin ndo, ta köo ndi̱xiin ndo!

Nda tá íin ya ikán saa íin ndo, chi sata va ndo vaꞌa ni náꞌa nuu inka naꞌa, ta ini ndo iin chútu ndaa ya väꞌa xiꞌin ya vata, ndóꞌo̱ uvi yuꞌu ku ndo.