Popular Bible Verses from San Mateo 19

Share

Saa ndi̱koto Jesús nuu nda, ta ndi̱kaꞌan ra xiꞌin nda, káchi ra saa: ―Ñaꞌa ya uꞌvi ni nuu na ñuu ivi yóꞌó, ta nda loꞌo köo uꞌvi ya nuu Ndioxi ―káchi Jesús.

Süvi uvi ka ku na, saa chi iin yuꞌu ndu̱u na nuu Ndioxi. Ta na si̱kutaꞌan Ndioxi, nda iin naꞌa küvi taꞌvi na, chi Ndioxi ku ra chi̱taꞌan na ―káchi Jesús xiꞌin nda fariseo.

Saa ndi̱kuiin Jesús káchi ra saa: ―¿Án täꞌan kaꞌvi ndo unkua káꞌan tuꞌun Ndioxi tá kivi si̱kuaꞌa ra ñuu ivi yóꞌó? Chi kivi tá “si̱kuaꞌa Ndioxi ñuu ivi yóꞌó, ta si̱kuaꞌa ra iin taa xiꞌin iin ñaꞌa”. Yakan ndi̱kaꞌan Ndioxi káchi ra saa: “Xaꞌa ya yóꞌó kua xíniñuꞌu taa sindikoo ra iva ra xiꞌin siꞌí ra, ta tindaꞌa ra xiꞌin yá síꞌi ra, ta uvi saa na ikán nduu na iin yuꞌu xiꞌin taꞌan na”, káchi tuꞌun Ndioxi.

Saa ndi̱kaꞌan Jesús, káchi ra saa: ―Taxi ndo ná kixi na vali nuu i, ta käsi ndo nuu na, chi na ndíkun ichí nuu xáꞌnda chiñu Ndioxi, ta tá íin na vali yóꞌó saa íin na ―káchi ra.

Ta kuaꞌa ni na ínuu vitin nduu na, na sindiꞌi. Ta na ndíkun nduu na, na núnu̱ú ―káchi Jesús xiꞌin na.

Ta ndiꞌi na síndikoo veꞌe na, án ñani na, án kuꞌva na, án iva siꞌí na, án yá síꞌi na, án seꞌe na, án ñuꞌú na, xaꞌa ya ndíkun na yeꞌe. Ta na yóꞌó ta kuaꞌa ni ya vaꞌa niꞌi na nuu Ndioxi. Nda iin ciento ka ya vaꞌa niꞌi na sata iin iin ñaꞌa ya si̱ndoo na. Ta saa niꞌi na koo na xiꞌin Ndioxi ndiꞌi saa kivi ya vaxi.

Saa ndi̱kuiin Jesús, káꞌan ra: ―Tá tu kúni un koo un iin taa ra vaꞌa ni, kuáꞌan xiko ndiꞌi ñaꞌa ya kúu mií un, saa siniꞌi un xuꞌun nuu na ndaꞌvi. Saa kua ndukuika ni un xiꞌin Ndioxi nuu ndivi. Tá ndiꞌi i̱kan un saa, ta saa kixi un kundikun un yeꞌe ―káchi Jesús xiꞌin ra.

Saa ndi̱kuiin Jesús, káchi ra saa: ―¿Ndachu káꞌan un kúu i iin taa ra vaꞌa ni? Saa chi köo naꞌa na vaꞌa ni, iindaa mituꞌun mií Ndioxi ku ra vaꞌa ni. Tá tu kúni un kutaku un xiꞌin ra ndiꞌi saa kivi ya vaxi, ta xíniñuꞌu un xaa súvi un ley Ndioxi ―káchi Jesús xiꞌin ra.

Ta ná kaꞌan ka i xiꞌin ndo: Tá ya kúvi kua ta án sana vaꞌa ka kiꞌvi iin kiti camello chee ni ta yaꞌa ri yavi loꞌo kaꞌa iin tiku, ta saa na kuika uꞌvi ni ka saa kiꞌvi na ikán ichí nuu xáꞌnda chiñu Ndioxi ―káchi Jesús xiꞌin na.

Ta yeꞌe káꞌan i xiꞌin ndo, tá iin ñaꞌa yá íyo ií köo ndíkiꞌvi yá xiꞌin inka taa, ta köo xíniñuꞌu ií yá kaꞌnda ra tutu xiꞌin yá. Tá iin taa xáꞌnda ra tutu xiꞌin yá síꞌi ra, ta tíndaꞌa tuku ra, ta kuakiꞌvi ra kuachi xiꞌin yá síꞌi ra yá uvi nuu Ndioxi. Saa taa ra tíndaꞌa xiꞌin yá ndi̱ndoo xa̱a ií, kuakiꞌvi ra kuachi xiꞌin yá saa chi nuu Ndioxi ta yá síꞌi taa ra núnu̱ú ku yá ―káchi Jesús xiꞌin nda fariseo.

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ya ndaa káꞌan i xiꞌin ndo, na kuika ta uꞌvi ni saa kiꞌvi na ikán ichí nuu xáꞌnda chiñu Ndioxi.