Popular Bible Verses from San Mateo 16

Share

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Tá ndá naꞌa kúni kundikun yeꞌe, ta xíniñuꞌu na ndindoso ini na xaꞌa mií na, saa ndikundiso na cruzin na, ta ndikundikun na yeꞌe.

Ta yeꞌe káꞌan i xiꞌin un, vitin kunani un Pedro ta sata yu̱ú yóꞌó sikuaꞌa i veꞌe ñuꞌu i, ta nda iin kivi ndïꞌi xaꞌa ya, chi ya xáꞌni naꞌa ta küchiñu ya ndundee ka ya nuu na veꞌe ñuꞌu i.

Ta taxi i llave ndaꞌa un kuna un yeꞌe nuu kiꞌvi naꞌa nuu xáꞌnda chiñu Ndioxi. Saa tá kúu ndiꞌi ñaꞌa ya kátun un ñuu ivi yóꞌó, ta ndikunuꞌni ya nuu ndivi, tá kúu ndiꞌi ñaꞌa ndáxin un ñuu ivi yóꞌó, ta saa ndaxin tu ya nuu ndivi va ―káchi ra xiꞌin ra Pedro.

Saa chi ndiꞌi na kúni sikaku xiꞌin mií ta ndiꞌi xaꞌa na. Ta ndiꞌi na ndíꞌi xaꞌa ya kuaꞌan na ichí i, ta síkaku na mií na.

Ni ná kuu mií na ndiꞌi ya kuika íyo ñuu ivi yóꞌó, tá ná ndiꞌi xaꞌa ya vaꞌa na, ta ni köo ndáa yaꞌvi ya kúu mií na, saa chi küchiñu na chaꞌvi na xiꞌin ya ikán nuu Ndioxi, ya sikaku ra na.

Saa ndi̱ndakan tuꞌun ra nda, káchi ra saa: ―Ta ndóꞌo̱, ¿unku i, káchi ndo? ―káchi ra xiꞌin nda. Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.