Popular Bible Verses from San Mateo 13

Share

Ta ndikin ya ndikoyo nuu ñuꞌú xaꞌan ku ya káꞌan xaꞌa na xíni soꞌo tuꞌun Ndioxi, ta kúndaa ini na xiꞌin ya. Ta tá káa ñaꞌa ya vaꞌa ni kána, saa íin na yóꞌó. Nda tá íin ndikin ya kána iin ciento ndikin, án ya kána uni xiko ndikin án ya kána oko uxi ndikin, saa íin na ndinuꞌu ni kándixa tuꞌun Ndioxi ―káchi Jesús xiꞌin nda ítaꞌan xiꞌin ra.

Ta ndikin ya ndi̱koyo tañu iñu ku ya káꞌan xaꞌa na xíni soꞌo tuꞌun Ndioxi, saa ndíꞌi ni ini na xaꞌa chiñu íyo ñuu ivi yóꞌó, án kúni na ndukuika ni na, ta ndiꞌi ya yóꞌó ta síndiꞌi xaꞌa ya tuꞌun Ndioxi ya xi̱ni soꞌo na, ta köo táxi ya kuaꞌnu tuꞌun ra nima na.

Ndikin ya ndi̱xita yuꞌu ichí ku ya káꞌan xaꞌa na xíni soꞌo tuꞌun xaꞌa nuu xáꞌnda chiñu Ndioxi, ta köo kúndaa ini na xiꞌin ya. Saa vaxi kiti nǎꞌa táva ri tuꞌun Ndioxi nima na ya xi̱ni soꞌo na.

Ta ndikin ya ndi̱koyo tañu yu̱ú ku ya káꞌan xaꞌa na xíni soꞌo tuꞌun Ndioxi, ta ndikun ndíkiꞌin vaꞌa na ya, saa kúsini ni na xiꞌin ya. Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

Saa ndi̱kaꞌan tuku Jesús tuꞌun ndíchi xiꞌin na nuu sínaꞌa ra na, káchi ra saa: ―Ichí nuu xáꞌnda chiñu Ndioxi ta tá káa iin ñaꞌa ya ndíkaa sěꞌe nuu ñuꞌú xi̱ni iin taa, saa káa ya. Tá xi̱ni ra ikán ya, saa ki̱ꞌin tuku ra ya chi̱kaa sěꞌe ra tixin mií ñuꞌú ikán, ñaa ndi̱ko koo ra kuanuꞌu ra. Kúsini ka vi ra ndi̱kiꞌin ra kuaꞌan ra ta ndi̱xiko ndiꞌi ra ñaꞌa kúu mií ra, saa ku̱chiñu ra sa̱ta ra ñuꞌú nuu ndíkaa ya kuika ikán.

Sava ya ndi̱koyo nuu ñuꞌú xaꞌan ni, ta kuaꞌa ni trigo ya ka̱na. Sava ya ka̱na nda iin ciento ndikin ya, sava ya ka̱na uni xiko ndikin ya, sava tuku ya ka̱na oko uxi ndikin ya ―káchi Jesús xiꞌin na.

Vaꞌa ná kuaꞌnu ya xiꞌin taꞌan ya, nda kivi ná taꞌnda ya. Kivi ikán kaꞌan i xiꞌin na xáa chiñu nuu i kaꞌnda na xiꞌna iku väꞌa, saa katun na ya, ta taan na ya koko ya. Ta sindiꞌi saa kaꞌnda na trigo chivaꞌa na ya ini yaka i”, káchi ra chi̱ꞌi trigo xiꞌin nda xáa chiñu nuu ra ―káchi Jesús xiꞌin nda ítaꞌan xiꞌin ra.