Popular Bible Verses from San Mateo 10

Share

Tiꞌvi i ndóꞌo̱ kuꞌun ndo ndikani ndo tuꞌun Ndioxi nuu naꞌa, ta ìyo ni kuꞌun ndo, nda tá ìyo kuaꞌan levo ñaꞌñu nuu íyo ni kiti ndivaꞌi, saa ìyo kuꞌun ndo tañu naꞌa. Tá kuꞌva íkan kiti ko̱ó, saa koo ndo, ndíchi vaꞌa koo ndo, saa tu tá kuꞌva íin kiti paloma köo kueꞌe ri, kuꞌva saa koo ndo.

Tá ndá naꞌa kúni sikaku mií, ta na ndáñuꞌu va ku na, tá ndá naꞌa síndiꞌi xaꞌa mií ya ndíkun na yeꞌe, na ñaa ku na kuchiñu kaku ―káchi Jesús.

Ku ïꞌvi ndo nuu naꞌa, na kúni kaꞌni ndóꞌo̱, chi küchiñu na kaꞌni na ya vaꞌa ndo. Sundi ku íꞌvi ndo nuu Ndioxi ra kuchiñu sindiꞌi xaꞌa ikin kuñu ndo xiꞌin ya vaꞌa ndo kuꞌun ya ndaya.

Ndiꞌi na köo xíin kusoko cruzin mií na, ta xïin na xaa súvi na tuꞌun i, ta na yóꞌó, ta köo kúu mií na ichí kundikun na yeꞌe.

Saa ndi̱kaꞌan tuku Jesús, káchi ra saa: ―Ndiꞌi na köo kúkaꞌan nuu xaꞌa ya ndíkun na yeꞌe, ni yeꞌe ta kükaꞌan nuu i ndikuiin i xaꞌa na nuu Iva i Ndioxi, ra íyo nuu ndivi. Ta ndiꞌi na kúkaꞌan nuu xaꞌa ya ndíkun na yeꞌe, ta saa tu yeꞌe va, kukaꞌan nuu i kuni i na nuu Iva i Ndioxi ra íyo nuu ndivi ―káchi Jesús.

Ta sindaꞌa ndo na kúꞌvi, saa sitaku ndo na ndíi. Ñaa sindaꞌa ndo na ndee ndóꞌo xiꞌin kueꞌe náni lepra.

Yakan ku ïꞌvi ndo, saa chi ndee ni ka ndáa yaꞌvi ndóꞌo̱ nuu kiti sàà vali.

Saa ndi̱kaꞌan ka Jesús, káchi ra saa: ―Ndïkani ini ndo ya vaxi i ñuu ivi yóꞌó sikitaꞌan vaꞌa i ndóꞌo̱ xiꞌin taꞌan ndo. Chi yeꞌe ta växi i ikan i saa, sundi xaꞌa yeꞌe kua taꞌvi taꞌan naꞌa xiꞌin taꞌan na.