Popular Bible Verses from San Lucas 19

Share

Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

Saa káꞌan na: ―Ná ikan Ndioxi ya vaꞌa xiꞌin ra yóꞌó, chi Rey ra kaꞌnu nuu yo ku ra, ra ke̱e nuu Ndioxi ku ra. Vitin taxi Ndioxi koo vaꞌa naꞌa xiꞌin ra nuu ndivi, ta ná kunuu sukun ni ya toꞌo ra ―káchi na.

Saa ndi̱kaꞌan Jesús, káchi ra saa: ―Kivi vitin sikaku Ndioxi ra yóꞌó xiꞌin na veꞌe ra, saa chi seꞌe sikua ra Abraham ku tu ra yóꞌó va.

Tá yáꞌa Jesús kuaꞌan ra ta si̱kuꞌun nuu ra ndi̱koto ra ndaꞌa itun ikán. Saa xi̱ni ra ínuu ra Zaqueo ndaꞌa nu, ñaa ndi̱kaꞌan ra xiꞌin ra, káchi ra saa: ―Zaqueo, kuanuu ndaꞌa itun ñaa, kama loꞌo koo un nuu un, saa chi kivi vitin xíniñuꞌu i kuꞌun i veꞌe un ―káchi Jesús xiꞌin ra. Ñaa ndikun nu̱u ra, kúsini ka vi ra ndi̱kiꞌin ra Jesús kuaꞌan xiꞌin ra veꞌe ra.

Ñaa ndi̱kundichi ra Zaqueo xa̱á ra káꞌan ra xiꞌin Tata yo Jesús káchi ra saa: ―Koto un, Tata, vitin ta iin nditaꞌvi sava i ñaꞌa kúu mií i xiꞌin na ndaꞌvi. Ta sindiko koo ndiꞌi tu i ñaꞌa tá kúu na si̱ndaꞌvi i, nda kumi ichí ka kuaꞌa nduu ya sindiko koo i ndaꞌa na ―káchi ra xiꞌin Jesús.

Ta saa ndi̱kaꞌan sava nda fariseo ñúꞌu tañu naꞌa ikán xiꞌin Jesús, káchi nda saa: ―Tata Maestro, kaꞌan xiꞌin na ndíkun sata un ná kutaxin yuꞌu na ―káchi nda. Saa ndi̱kuiin Jesús káꞌan ra xiꞌin nda: ―Tá ná kaꞌan i xiꞌin na yóꞌó kutaxin yuꞌu na, ta ndikuiin yu̱ú kaꞌan ya xaꞌa i ―káchi ra xiꞌin nda.