Popular Bible Verses from San Juan 5

Share

’Ya ndaa káꞌan i xiꞌin ndo: Ndiꞌi na xíni soꞌo tuꞌun káꞌan i, ta kándixa na Ndioxi ra ti̱ꞌvi yeꞌe vaxi i ñuu ivi, ta na ikán ku na ndixa táku ndiꞌi saa kivi, ta täxi ra ndoꞌo na xaꞌa kuachi na. Saa chi tá íin na xa ndi̱xiꞌi yachi saa ndi̱xiyo na, ta vitin ndi̱taku na.

Saa tá xi̱ni Jesús índuꞌu ra, ta ku̱ndaa ini ra xa naꞌa ni kúꞌvi ra. Ta saa ndi̱kaꞌan ra xiꞌin ra, káchi ra saa: ―¿Án kúni un nduvaꞌa un? ―káchi ra xiꞌin ra.

Tá káꞌvi ndo Tuꞌun Ndioxi ya ta̱a na xinaꞌa, ta vií ni káꞌvi ndo ya, chi ndíkani ini ndo nuu ya ikán kua nditaꞌan ndo ndá kuꞌva kutaku ndo koo ndo xiꞌin Ndioxi ndiꞌi saa kivi ya vaxi. Ta tuꞌun Ndioxi ikán kua káꞌan xaꞌa i. Sundi ndóꞌo̱ ta köo xíin ndo kixi ndo nuu i ya taxi i ichí ndaꞌa ndo koo ndo xiꞌin Ndioxi ndiꞌi saa kivi ya vaxi.

Saa ndi̱kaꞌan Jesús xiꞌin ra, káchi ra saa: ―Kuandikoo, ta ndikiꞌin un xito un kaka un kuꞌun un ―káchi ra xiꞌin ra. Saa ndikun ndu̱vaꞌa ra, ta ndi̱kiꞌin ra xito ra nuu xi̱nuu ra, xa̱á ra xíka ra. Ta kivi i̱í ya ndíkundee na kua.

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.