Popular Bible Verses from Mariko 13

Share

Ebandu boshi, bakábahomba bushi nanyi. Si ola ukásesa emuchima kuikira kwa businda, akánunulibwa.»

«Muményaa! Muchilángaa bushi mùteshi mangochi ei myasi ikába.

«Na mango bangénde bábasimba chasiya babêke era muhondo se'baishi be'manja, muténdaa mwáchibusa mbu chi mungáteta. Si ebinwa bya mungêresibwa mwe'chi chihangi bi munátetaa. Ne'bi binwa, bitátenge mwa ndanda senyu, si eMuchima Mubuya-buya i'ungáberesa'bi.

Enguba ne'butala bikárenga, si emyasi yanyi yeke, itákarenge chiro na hicha.»

«Kutáli mundu asibya ola wìshi olu lusuku nesi echihangi cha ei myasi ikába. Anabe ne'bamalaika* bo'kwa nguba, nanyi nyi Mwana we'Mundu, kutáli ola wìshi, si Tata yeine i'ùnêshi.

Mwe'si suku, mukômva ebandu báteteresa era luulu se'bita mwa bisiki byoshi, si mùtobaa bushi ebi byoshi kwěmire biíke. Si ebyera, bikába bìtatechire mbu ebusinda bwe'butala bwaíkire.

«Rero nenyu muchilanga-langaa! Bushi mùteshi ebihangi bya ena enyumba akáfuluka. Kuli mango angáika luolo-olo, nesi kachi-kachi ka butufu, nesi mango enyaasi sénde sábika, nesi mishangya-shangya. Bushi no'ku, muchilanga-langaa angesha kubapamukira'ko chimbate, ánababuana mwàonjire. Ei myasi nàbabwirire, naítechire bushi ne'bandu boshi: Muchilanga-langaa!»

Chio chiuma chikáya kutabalira echinji. Na bwami buuma bukáya kutabalira ebunji. Mu'bisiki binene, mukárenga misisi, mukáika na bulio. Ebi byoshi, bikánaba nga ndangiriso ye'mukero.

Bushi byěmire eMwasi Mubuya-buya àhubanganyisibwe tanga kwa bandu be'mbaa soshi.

Bushi bandu banene bakábaha mwe'sina lyanyi. Abu bandu, bakénde báchitonga mbu: ‹Nyono nyi Kirisito*!› Bakêngeera bandu banene.

«Si mwabo, muchilángaa bushi mungénde mwêkibwa era muhondo se'baishi be'manja babáchinjibuse. Bangénde bábapúnjira mwa mashenge, na kunde mwêkibwa era muhondo se'bakulu-kulu be'chio, ne'ra muhondo se'bami bushi nanyi. Bushi no'ku, mungába babei banyi era muhondo sabo.

Bushi kukaulukira bandu ba bakénde báfula bisha mbu bu bera "Kirisito*", kwanaulukira na barebi ba bisha. Abu boshi, bakénde báira bisomerano, chasiya akaba bìngaalikana běngeere ne'bandu ba Ongo álondwere.

Yesu era kuteta kanji mbu: «Mwe'si suku, era nyuma sa'mu malibuko, ‹Esuba, likáhuba musimya. Ne'mwesi, atákachikole. Engununu nasi, sikátowanga kwa nguba. Na byoshi bya byète ebuashi kwa nguba, bikálingitana.›