Popular Bible Verses from Luk 17

Share

Nyining Jisɔs atɔ we arɔ, “Lo belag chog, ochorekpo ɔwa ɔgban we.”

Kpe aleming we bobe nken enyibisia wa epo ka atɛming nsɛm aba nken enyibisia aba tɔ we arɔ, ‘Me nlem bobe,’ we oloag mkɛm ɔcha bɔ.”

Nyining owu bɔ wud ahɔrɔ arɔ bafon aman beke bekori we, we atisɛm aba, akagag Ɔsɔwɔ yi elem esɔesɔ. We aba achɔ wa bako ma Jisɔs akob we. Ka we ale Minine wu arun Sameria.

Kodi anyɔng lɔ! “Ebu ninyen ɔwa minkani kpe minine aleming we bobe nyan bɔ; ebu ala wog we agɔ bobe, lo cha we.

Nyining Jisɔs abeb arɔ, “Bɔ eriɔfɔ asid agbaning a, ka bawag barɔn yi bane mena?

Minfɔni Jisɔs abɔri bɔ arɔ, “Kpe ɔkwei ochorekpo ninsed wu ɔkebing ala mmuni mɔsad, nyɔ ɔmanag ɔtɔ etɛm erere yifa ɔrɔ, ‘Jibi yi barug ɔka fei lɔ wa baya,’ ka yi ting ewog we.

Kpewun wu anɔging arɔ we anyangi ekwen eyi ahɔkwen yibanya yi Ɔsɔwɔ; ka wu alɛming ekwen eyi ting akodi yi.

Epo yid Jisɔs atɔ ba anyedag we arɔ, “Nggom bi belemag bane alem bobe behɔ ri ebang, ka ebebag yi mine awua wu beruag ɔmɔ wu bebag! Enɔb eking asid we etɛmi ndinda yu alobolob wa emei arob we alang baya alɛm otoke yi we alemag ba nkeked bafa alem bobe.

“Ebu Mmɔn wu Mine ala tisɛm, ekɛmag ala nkeri ekɛming wa nten yu Noa. Bane ali yag, ayɔg, banine asɔdag bakani, bakani abai balom, ta epo yi Noa awen okpe. Nyining nyel awei awoi bɔ feb.