Popular Bible Verses from Luk 5

Share

Ikil yɛ akule ɛtɔwana kɛ nɛ vɛnʉl, afiil kɛ nɛ Saimʉn, avɔl nɔnʉn ala, “Za pe kɛ isi nɛ ɛkpandɛghɛ kɛsɛ ɛzɔl ɛkɛma asɔ, saŋ nɛ wʉ́ta ituufu kɛ ɛzɔl ndalɛsɛ wákɔl acɛmbɛ.”

Saimʉn avɔl nɔnʉn ala, “Ɔkʉ, ɛnyɛnɛ sɛca ɔyalɛ-yalɛ ife imem, kpa sɛ̂kɔl ɔmanɛ ga, kpa kici yɛ owe nɛ wʉkaŋɛ asɔ, máta ituufu kɛ ɛzɔl.” Ikil yɛ ôyeli ɔmanɛ kɛɛ Zisɔs âvɔlʉ vo, ɔkɔl icene wʉ acɛmbɛ kaka atuufu avo ase cɔɔ nɛ âpavɛ.

Kpa Zisɔs ayelē nɛ ásɛɛl ɔmɔnɛmɔ nɛ áza kɛ oci wʉ vɛnʉl ɔka-lɛ ga, ndalɛsɛ áveli.

Mɛ̂va kɛlɛ ɛbɛɛna vɛnʉl vɛ oyele ɔmanɛ kagel-gel ga, kpa kɛlɛ ɛbɛɛna vɛnʉl vacɔcɔ sɛ vásɛɛl ɛcɔcɔɔ ivo.”

Ikil yɛ Saimʉn wʉ ɔyɛla ɔn kpaa ala Pita, atii ɔmanɛ kɛɛ âyeli, aŋgul anu ɛyaŋ kɛ isi kɛɛ Zisɔs, akaŋɛ ala, “Ɔkʉ, mʉwa fan namɛ, kici yɛ mawʉ kɛlɛ ɔnʉl wʉ ayele ɛcɔcɔɔ.”

Saŋ Zisɔs avɔl navo ala, “Kɛlɛ vɛnʉl vɛ ɔlɛ ɔtavɛ-tavɛ ɛnɛ oliye ɔnʉl wʉ itiŋ ga, kpa kɛlɛ vɛnʉl vɛ awaŋgɛvɛ.

Wʉ ɔ̂va nɛ vɛkpandɛvɛ ivovu kan okulu ɛzɔlʉ, ɔsɛɛl ɔmanɛmanɛ, ɔlʉŋwa Zisɔs.

Ife ɛmɔ Zisɔs âlɛ kɛ ɔswaŋ ɔmɔ kɛ ɛyaŋ iyɛ Galili. Ɔnʉl ɔmɔ âlɛ fini wʉ awaŋgɛ wʉ ɛmanda âya ɔkɔwʉ wʉ ɛyʉlʉ ɛna caca. Ikil yɛ atii Zisɔs, aŋgul anu ɛyaŋ, asune kaka apel itulisi kɛ ɛyaŋ, avɔl ala, “Ɔkʉ, mɛcil mɛla wábɛ wʉ́kʉs mɛ, ikil yɛ wʉlii.” Saŋ Zisɔs asambɛl ovoghu, apel ɔn, avɔl ala, “Mɛlii. Kʉna!” Ɛmanda wʉ ɔnʉl wɔɔ amʉwa ɛpʉmb.

Masɛ Zisɔs âna obe wee ase, kpa ɔtɛlɛ wʉ kɛ ito ɛnaghɛ ɔsaŋ kɛ ɔza-za kɛ isi. Asɔ ɛyɛŋgɛ iyɛ ɛnʉlʉ ɛsaŋ ɛvaana sɛ váŋgwa ndalɛsɛ Zisɔs ate, nɛ ndalɛsɛ ákʉs vawaŋgɛ ovovu.