Popular Bible Verses from Eksodus 20

Share

“Mi na MASRA, un Gado, di puru unu na ini Egipte pe un ben de srafu. Un no mus dini no wan tra gado boiti Mi.

No meki no wan popki noso wan prentyi fu wan sani di de na heimel, di de na grontapu noso di de ini a watra ondro grontapu. No boigi gi den èn no dini den. Bika Mi, MASRA, un Gado, na wan dyarusu Gado. Mi e strafu den pikin, den granpikin nanga den afopikin, fu a ogri di den bigisma fu den du, di no lobi Mi.

Lespeki un m'ma nanga un p'pa, fu un kan libi langa na ini a kondre di MASRA, un Gado, o gi unu.

Un memre taki a sabatdei na wan spesrutu dei.

Un no mus kari a nen fu MASRA, un Gado, fu soso, bika MASRA no o libi a sma dati fu soso tu.

Siksi dei de fu wroko, fu un du ala sani san un abi fu du. Ma a di fu seibi dei na a sabatdei fu MASRA, un Gado. A dei dati un no mus wroko. No unu, no den manpikin fu unu, no den umapikin fu unu, no den man nanga uma di e wroko gi unu, no den meti fu unu èn no den doroseisma di e libi ini a kondre fu unu.

No abi bigi ai tapu a oso fu wan trawan. No abi bigi ai tapu a frow fu wan trawan, tapu den man nanga uma di e wroko gi en, tapu en kaw, en buriki noso iniwan sani san na fu wan trawan.”

No lei gi wan trawan fesi krutubakra.

No huru.

No kiri.

No fufuru.