Popular Bible Verses from Eksodus 16

Share

Den taigi Moses nanga Aaron taki: “A ben moro bun efu MASRA ben kiri wi ini Egipte pe wi ben sidon na den patu nanga meti èn pe brede ben de nofo. Bika un tyari wi kon dyaso ini a sabana fu a heri folku dede fu angri.” Ne MASRA taigi Moses taki: “Luku, Mi o meki brede fadon kmoto fu heimel. A pipel kan go piki someni leki den abi fanowdu gi wan dei, dan Mi o luku san den o du, efu den o hori densrefi na a wèt fu Mi.

Di den doro ini a sabana ala den sma fu Israel bigin knoru gi Moses nanga Aaron.

Moses taigi den moro fara taki: “Tide neti MASRA sa gi un meti fu nyan èn tamara un sa abi nofo brede. Bika MASRA yere fa un ben e knoru gi En. A no gi wi un ben knoru, ma na gi MASRA. Bika suma na wi?”

“Mi yere fa den sma fu Israel ben e knoru. Taigi den taki: ‘Mofoneti un o nyan meti èn mamanten un o nyan brede te a sari unu. Dan un sa sabi taki Mi, MASRA, na un Gado.’ ”