Popular Bible Verses from Yohane 16

Share

Maaka yeinom nyinaa akyerɛ ho sɛ ɔbɛyɛ a hobenya asomdwie me mu. Hobehyia taa wiase mu. Nso homma ho bo ntɔ ho yam; na maadi wiase so nkunim dada!

Na sɛ Nɔkorɛ Honhom he ba a, ɔbɛkyerɛ ho kwane akɔ nɔkorɛ he nyinaa mu, efiri sɛ omfiri ɔno ankasa ne mu ne bɛkasa, na mmom bibiaa ɔbɛte he ɔno ne ɔbɛka. Na ɔbɛkyerɛ ho nnoɔma a ɔɔba.

Obesi sesɛɛ hommisaa bibiaa a me dini mu. Hommisa, na ho nsa bɛka, na ho anigyeɛ awie pɛyɛ.

Nso meeka nɔkorɛ akyerɛ ho sɛ, ɔyɛ ma ho sɛ mɛkɔ, efiri sɛ, sɛ mankɔ a, Kyigyinafoɔ he ɔmma ho nkyɛne. Na sɛ mekɔ a, mɛsoma no ama no aba ho nkyɛne. Na sɛ ɔba a, obeyi wiase atɛne afa bɔne ne tenenee ne atemmuo ho

Ho nso, seesei deɛ howɔ awerɛhoɔ mu, nso mehu ho bio he, na ho ani agye ho akoma mu, na biaa ntumi nnye ho anigyeɛ he mfiri ho nsam. Saa da he, hommmisa me asɛm biaa. Nɔkwasɛm paa ne meeka akyerɛ ho sɛ, hobisa bibiaa firi Agya he hɔ ya me dini mu a, ɔde bɛma ho.

Nɔkwasɛm paa ne sɛ, hobesu atwa agyaadwoɔ, nso wiase ani bɛgye. Hobedi awerɛhoɔ nso ho awerɛhoɔ he bɛdane anigyeɛ.