Popular Bible Verses from ཡོ་ཧ་ནན། 15

Share

ང་​ནི་​རྒུན་འབྲུམ་​སྡོང་པོ་​དིང་​། ཁྱེད​་ཀྱ་​ནི་​ཡལ་ག་​ཅོག་འདྲ་​ཡིན་​དིག མི་​སུ་​ཞིག་​ཡིན་ནའང་​། ངའི་ནང་ལེ་གནས་པི་ཡིན་ནི། ང་​ཟང་​མི་​དེའི་​ནང་ལེ་གནས་པི་​མ་ཟད། མི་​དེ་​ལེ་ཟང་​འབྲས་བུ་​མང་པོ་​སྐྱེས་ཀྱི་དིག གལ་སྲིད་​ང་​རིང་​ཁ་བྲལ་​ལི་ཡིན་ནི། ཁྱེད་​ཀྱ་​ཀྱིས་​ཅི་​གང་​བགྱིད་​ཐུབ་ཀྱི་​མ་དིག

ང་​ཁྱེད་ཀྱ་ཀྱི་ནང་ལེ་གནས་འོད་དི་​ཅོག་འདྲ། ཁྱེད་​ཀྱ་​ཟང་​ངའི་​ནང་ལེ་​གནས་པར་གྱིས་ཤིག དཔེར་ན། རྒུན་འབྲུམ་​ཡལ་ག་​ཅི་གི་​ཞིག་​ཡིན་ནའང་​། རྒུན་འབྲུམ་​གྱི་​སྡོང་པོ་ལེ་མ་གནས་ནི། རང་​ལེ་​འབྲས་བུ་​སྐྱེས་​རྒྱུ་​མེད་དིག འོ་དེ་ཅོག་འདྲ། ཁྱེད་​ཀྱ་​ཟང་​ངའི་​ནང་ལེ་མ་གནས་པི་ཡིན་ནི། ཁྱེད་​ཀྱ་​ལེ་​ཟང་​འབྲས་བུ་​སྐྱེས་སྲིད་​ཀྱི་མ་དིག

གལ་སྲིད་​ཁྱེད་​ཀྱ་​ངའི་​ནང་ལེ་གནས་པི་ཡིན་ནི། ངས་སྨྲས་པའི་​བཀའ་​དེ་ཟང་​ཁྱེད་​ཀྱ་​ཀྱི་​སེམས་​ནང་​ལེ་​གནས་ཀྱི་དིག ཡང་ཁྱེད་​ཀྱ་ལེ་འདོད་པ་​ཅི་​ཞིག་​འོད་ནའང་། ཁྱེད་ཀྱ་ཀྱིས་ཁོང་ལེ་ཞུས་​ནི་དེ་འགྲུབ་​ཀྱི་​དིག

ཁྱེད་ཀྱ་ཀྱིས་​ང་ལེ་​མ་​བདམས་​པི་​དིག ཡིན་ནའང་། ངས་​ཁྱེད་​ཀྱ་​ལེ་བདམས་​ཏེ་​བསྐོས་​པི་​ཡིན། ད་ཁྱེད་​ཀྱ་​ཕྱིན་ཏེ་​འབྲས་བུ་སྐྱེས་རུ་བཅུག འབྲས་བུ་​དེ་​དུས་རྟག་ཏུ་​གནས་པར་གྱིས་ཤིག དེ་ནས་​ངའི་​མིང་​བརྒྱུད་ནས་ངའི་ཨ་ཀྱི་​ལེ་ཅི་གི་​ཞིག་​ཞུས་​ནའང་​། ཁོང་​གིས་​ཟང་​ཁྱེད་​ཀྱ་​ལེ་​སྟེར་གནང་གྱི་དིག

མི་​ཞིག་​གིས་​རང་གི་རོགས་པོའི་​དོན་​ལེ་​རང་སྲོག་​བློས་​བཏང་​ནི། དེ་​ལས་​ལྷག་​གི་​བྱམས་​བརྩེ་བ་​གཞན་​མེད་དིག

ཁོང་​གིས་​ངའི་ནང་ལེ་འབྲས་བུ་མ་སྐྱེས་པའི་ཡལ་ག་​དེའི་​རིགས་ཡེ་རེ་​བཅད་​དེ་​གཡུགས་​ཀྱི་དིག ཡང་​ངའི་ནང་ལེ་​འབྲས་བུ་​སྐྱེས་​པའི་ཡལ་ག་​རེ་རེ་ལེ་​འབྲས་བུ་​མང་པོ་འཕེལ་​རྒྱུ་ཆེད་དུ་​འདྲེག་བཅོས་གནང་གྱི་​དིག

ངས་​ཁྱེད་​ཀྱ་​ལེ་​བྱམས་བརྩེ་བ་​བྱས་​པི་​ཅོག་འདྲ། ཁྱེད་​ཀྱ་​ཟང་​ཕན་ཚུན་​གཅིག་གིས་གཅིག་ལེ་​བྱམས་བརྩེ་བ་​གྱིས་​ཤིག འདི་ནི་ངའི་​བཀའ་​ཡིན་དིག

ཁྱེད་​ཀྱ་​ལེ་འབྲས་བུ་​མང་པོ་​སྐྱེས་​ནི། ཁྱེད་​ཀྱ་​ནི་ངའི་​སློབ་མ་​ངོ་ཐོག་​ཡིན་​དི་​མ་ཟད། དེའི་​བརྒྱུད་ནས་ངའི་​ཨ་ཀྱིའི་​གཟི་བརྗིད་​དེ་ཟང་​མངོན་འོང་གྱི་དིག

དེ་ནས་​ཡང་ཡེ་ཤུས་​སློབ་མ་​ཀྱ་​ལེ། ང་​ནི་​རྒུན་འབྲུམ་གྱི་​སྡོང་པོ་​ངོ་ཐོག་​དེ་​ཡིན། ངའི་​ཨ་ཀྱི་ནི་​རྒུན་འབྲུམ་​སྡོང་པོ་​ལེ་​ལྟ་རྟོག་​གནང་​མཁན་​དེ་​ཡིན་​དིག

ངའི་​ནང་ལེ་མི་གནས་​མཁན་​དེ་ནི། ཕྱི་​ལེ་​གཡུགས་པའི་​ཡལ་ག་​ཅོག་འདྲ་​སྐམ་འགྲོ་བ་དིང་། ཡལ་ག་​དེ་ཀྱ་​ནི་མེ་​ལེ་​གཡུགས་ཏེ་​འཚིག་​འགྲོ་​གྱི་​དིག

ངས་ཁྱེད་ཀྱ་ལེ་སྨྲས་པི་འདི་ཀྱ་ནི། ངའི་དགའ་སྤྲོ་​ཁྱེད་ཀྱ་ཀྱི་སེམས་ནང་ལེ་གནས་རྒྱུ་དིང་། ཁྱེད་ཀྱ་དགའ་སྤྲོ་ཁེངས་རྒྱུ་ཆེད་དུ་​ཡིན།

ངས་​ང་རང་གི་ཨ་​ཀྱིའི་​བཀའ་​ཀྱ་བསྲུངས་​འོད་དི་མ་ཟད། ཁོང་​གི་​བྱམས་བརྩེ་བའི་ནང་ལེ་གནས་པི་ཅོག་འདྲ། ཁྱེད་​ཀྱ་​ཀྱིས་​ཟང་​ངའི་​བཀའ་​ཀྱ་བསྲུངས་​ཏེ། ངའི་​བྱམས་བརྩེ་བའི་ནང་ལེ་གནས་ཀྱི་དིག

ཁྱེད་​ཀྱ་​ཀྱིས་​ཕན་ཚུན་​བར་​ལེ་​བྱམས་​བརྩེ་བར་གྱིས་ཤིག དེ་ནི་​ངའི་​བཀའ་​ཡིན་​ཟིན་གསུངས་​པི་​དིག

གལ་སྲིད་​ཁྱེད་​ཀྱ་​འཇིག་རྟེན་གྱི་ཁོངས་ལེ་གཏོགས་​འོད་ནི། འཇིག་རྟེན་​མི་​ཀྱ་​ཀྱིས་​རང་གི་ཡིན་​པ་དེ་ལེ་​གཅེས་པོ་​བགྱིད་​འོད་དིག ཡིན་ནའང་​། ངས་​ཁྱེད་​ཀྱ་​འཇིག་རྟེན་​གྱི་​ནང་​ནས་​བདམས་​པི་ཡིན། ད་ཁྱེད་ཀྱ་འཇིག་རྟེན་འདིའི་ཁོངས་གཏོགས་ལེ་མེད་དིག འོ་དེ་ལེ་བརྟེན་ཏེ། འཇིག་རྟེན་གྱི་མི་​ཀྱ་​ཀྱིས་ཁྱེད་​ཀྱ་​ལེ་​དགྲ་སྡང་པོ་བགྱིད་​འོད་དིག