Popular Bible Verses from Génesis 15

Share

Abrampa Dios ikũira wadi na axuxiwai. Naskake Diospa Abram uĩya sharakui idi.

Chipu Epa Diospa tsai adi. Abram awẽ dabapa yuidi: “Rateyabawe Abram. Ẽ bia kexei. Ẽ bia inai awara sharawu”, Epa Diospa wadi.

Naskaxu Epa Diospa Abram xawakawi iyuxu yuidi: “Dai ari uĩpu. Tanawapu na exteweruwu awi mi atirumaiki tanawakĩ. Naatii mewẽ kaiwuu uduax ichapanawã kaĩpakedakawu inupukukadi. Tsuã atu tanawatiruba”, Epa Diospa Abram wadi.

Epa Diospa kebadi: “Mewẽ awarawu wiixiwai na mewẽ wakekui iixiwi. Ana mewẽ uibati iixiwiba”, wadi.

Naskake Epa Diospa yuidi: “Tapiwe mewẽ kaiwuunuax ichapanawã kaĩpakedakawu bai wetsa adu inupukukadi. Naduxu atu yudubadakawu na uibati atiru keskawakĩ atu chakawadakawu cuatrocientos wari.

Abrampa kebadi: “Epa Dios aweskakĩ awara shara mia inaime ẽ wakeyabaweke. Yura bai wetsadua na ewẽ uibati nadu awẽ ade Eliézer Damasco adua. Na ewẽ awarawu naatuna iixiwi”

Naa pedata Diosweta Abrampa shinadiwu. Naskata Diospa yuidi: “Da bai ẽ mewẽ wedawu inai enewa Egipto adu xateta ede Éufrates adu atuna inu.

Chipu cuatrocientos wari ma ikadu mewẽ kaiwuu uduax ichapanawã kaĩpakedakawu wenupukukadi da bai adu na amorreowu ikawu adu. Naduxu ẽ atu putaxiwi chakawuke mewẽ kaiwuunuax ichapanawã kaĩpakedakawu adu inuwu”, Epa Diospa wadi.