Popular Bible Verses from Apôkalipsỳ 20

Share

ka raha nisy olona tsy hita voasoratra tao anatin’ilay horonamboky mirakitra ny lisitr’ireo hanana ny fiaina-maharitra mandrakizay, dia natsipy tany amin’ny farihy afo izy.

Ary hitako ny maty rehetra, na ny lehibe na ny kely, tafajoro teo anoloan’io sezafiandrianana io. Dia nisy horonamboky maro novelarina; ary nisy horonamboky iray hafa koa novelarina, dia ilay horonamboky mirakitra ny lisitr’ireo hanana ny fiaina-maharitra mandrakizay; ka tamin’ny zavatra voasoratra tao anatin’ireo horonamboky ireo no nitsarana ny maty rehetra, araka ny asany avy.

Ny ranomasina dia namoaka ny maty tao aminy; Rafahafatesana sy ny Toeran’ny maty koa namoaka ny maty tao aminy; ka samy notsaraina araka ny asany avy ny maty rehetra. Rafahafatesana sy ny Toeran’ny maty kosa natsipy tany amin’ny farihy afo. Izany farihy afo izany no fahafatesana faharoa

Dia hitako ity sezafiandrianana fotsy lehibe sy Ilay mipetraka eo amboniny. Ny tany amana habakabaka dia nandositra teo anatrehany, ka tsy hita intsony izay toerana nisy azy.

Rehefa tapitra ny arivo taona, dia hovahana i Satàna hiala amin’ny fonja nitoerany, ka hivoaka hamitaka ireo firenena amin’ny vazan-tany efatra, mba hamory azy ho amin’ny ady: ireo firenena ireo dia i Gôga sy i Magôga, izay tahaka ny fasi-dranomasina ny isany.