Popular Bible Verses from Ohabolana 15

Share

Famaliana am-pitiavana mampitony hatezerana; fa teny mitratreva kosa mahatonga havinirana.

Ny fanajana ny TOMPO dia fananaram-pahendrena; ary tokony hanetry tena alohan’ny hisondro-boninahitra.

Ny teny mamy dia mitondra aina; fa ny vava ratsy kosa mandrera-po.

Foana ny fikasana tsy ampy mpanolotsaina; fa tanteraka kosa izany, raha maro ireny.

Ny fo falifaly mahamiran-tava; fa ny fo malahelo maharera-panahy.

Ny mason’ny TOMPO dia mijery eny rehetra eny ka mahita ny ratsy fanahy sy ny tsara fanahy.

Aleo manan-kely ombàm-panajana ny TOMPO, toy izay manan-karembe difotra ahiahy.

Ny olona mora tezitra no mihantsy ady; fa izay mahatsindry fo kosa mampitony fifandirana.

Ny olo-marina mieritreritra vao mamaly; fa ny olon-dratsy kosa manely fanaratsiana.