Popular Bible Verses from Isaià 35

Share

Izany no lalana hiverenan’ireo navotan’ny TOMPO, ka hahatongavany ao Tsiôna amin’ny fihobiana; haravoana mandrakizay no ho eny amin’ny endriny, hafaliana sy haravoana no hanenika azy fa handositra kosa ny alahelo aman-tsento.

Ampaherezo ny tanana miraviravy ary hatanjaho ny lohalika malemy. Lazao amin’izay kivy hoe: «Mahereza, aza matahotra; indro ny Andriamanitrareo tonga hitondra famaizana ka hanasazy ny fahavalonareo; Izy mihitsy no tonga hamonjy anareo.»

Any no hisy arabe voamboatra hantsoina hoe «lalana voatokana». Tsy hahazo handalo eo izay maloto ary tsy hitonantonana eo ny mpanompo sampy; fa ny Tompo dia hisava izany lalana izany, ho an’ny vahoakany ihany.

Dia hahiratra ny mason’ny jamba ary handre ny sofin’ny marenina.

Hitsambikina toy ny diera ny mandringa, hiteny an-kafaliana ny lelan’ny moana, satria hiboiboika any an-taniefitra ny rano ary hisy ranon-driaka any amin’ny tany ngazana.