Popular Bible Verses from 2 Petera 2

Share

Araka izany, dia hain’ny Tompo ny manala ny mpiraiki-po aminy ho afaka amin’ny fitsapana manjo azy, sy ny mitahiry ny ratsy fanahy mba hosazîna amin’ny andro fitsarana

Aleo manko tsy nahafantatra ny lala-marina soritan’Andriamanitra izy, toy izay efa nahafantatra vao nihemotra mandao ny didy masina natolotra azy. Efa mihatra aminy tokoa ilay ohabolana marina hoe: «Ny alika no miverina amin’ny loany», ary ny hoe «Ny kisoavavy voasasa no mihosim-potaka indray».

Fahafahana no ampanantenain’ireo ny olona voasodokany; kanjo ny tenany aza andevozin’ny fahazaran-dratsy, fa izay resy dia andevozin’izay naharesy azy.

Ary raha misy olona efa niala tamin’ny faharatsian’izao tontolo izao, noho ny fahalalana tsara an’i Jesoa Kristy Tompontsika sy Mpamonjy antsika, kanefa voasingotry ny faharatsiana indray ka resy, dia ratsy noho ny voalohany ny toetrany farany.

Nisy mpaminany sandoka teo amin’ny vahoaka Israely; toy izany koa no hisian’ny mpampianatra sandoka eo aminareo: hampiditra an-tsokosoko fampianaran-diso mahavery izy ireo sady handà ny Tompo Izay nanavotra azy, ka hitarika fahaverezana tampoka ho an’ny tenany.