Popular Bible Verses from Matthew 5

Share

Miq aa nalpang sha thajung eq khowan eq hop shing moq. Etharin taap o shing aa. Irimal ang ajo himtey thaji eq wallit kapna. Khakla irimal hun, nim wallit thaji miq tangma takhi ma kot inn, etho ning aa nim jaqhal jaksom lot tang sha siin eq nim rangmungtan Wa sha tasapsey na.”

“Nim iri mingkang wallit mal. Kang na samhaq ajong sha jin thathuk moq.

Tin asang tey tang ma sunmaan, chammatakoi ning aa Shkewa sha ukhi eq na!

Asing rangma junglal chamlal tey tang ma sunmaan, chammatakoi ning shima tashey kona!

Etha nga bat phang, nim ralwa ma tinmat inn etho nim tahikham tey tang rangma romtam chu inn.

“Utin na tharangka moq tey tang ma sunmaan, chammatakoi Rangmungtan sha ning ma angna!

Karok karatey tang ma sunmaan, chammatakoi ning tha Shkewa sa tang ta halna!

Uqhap tey tang ma sunmaan, chammatakoi ning aa nungmay kapna!

Asing o qhing rangma tahikham kaptey tang ma sunmaan, chammatakoi Rangmungtan sha ning ma angna!

Manchan kottey tang ma sunmaan, chammatakoi ning aa manchan kapna!

“I tungkang o, miqtang aa nim sha junnam phin jo etho tahikham phin jo etho thaji jashit hutdip kup eq bat ajo, nim ma sunmaan. Nim sungrang ang inn, chammatakoi nim rangma ajong khongpha mungtan na shing aa. Chammatakoi jakho tok wang rangsamal tang ma tho ning aa irimal hun tahikham ta.”

Tinmang tey tang ma sunmaan, chammatakoi thaji mingkang sha ning ma angna!

“Nim raa iri mingkang haq simm mal, etharin simm siim raa bangti ajo, chamal eq wey jin tasiim nin? Esha chamtho jin som mi ang nin, eshirangma bichak eq nin etho ja eq dapnak nin.

Ethi rangma, mungtan na tongtey nim Wa thimal, nim tho khakla asing ang ching!”

Etharin nim raaq sha ‘ang’ tia ‘ang moq’ ang ching, chammatakoi eshi pheynáng eq ahan ang ajo, esha Thangwa chingko wang.”

“Jakho wang miqtang aa irimal batta ta nim aa tat inn, ‘Utang eq ba miik tashit chak ajo, piq miik shi tho tashit u. Etho utang eq ba pa sha lok chak ajo, piq pa shi tho lok cha u.’ Etharin nga nim ma bat phang, nim jamoq tashit tey shima nak wey tashit inn. Chamtey tey nim aqhako sham phang o wat phin jo, piq ma hangko shi tho wey nol kot inn.

Nim aqhako miik eq ngarey tasom phin jo, iri miik ri lat eq bichak inn. Nim thaji hanphung ang eq walmungtan náng kat phey náng eq nim hanphung wang ashey shit aa sha aqhal. Nim jakqha shey ngarey tasom phin jo, eshi jak shi thaduk eq bichak inn. Nim thaji hanphung ang eq walmungtan kat phey náng eq nim hanphung ashey shit aa sha aqhal.”