Popular Bible Verses from Luke 17

Share

Jesu aa piq ma batta, “Tunshat eq ka u; ba kam wang eq nang qhal tu!”

Saalshey mong o piq aa nim jamoq taksanat ngarey somlo eq nim jam náng taksanat thu eq batna, ‘Nga kaley ang’. Irimal ang ajo nim aa piq shi tolchak u.”

Ning jaktung wang, washey aa piq uqhal angta ta usam eq atho, piq aa ring eq Shkewa miing tha tasapsey eq welta. Piq tha Jesu jathong tho bon eq kechu ajong ta kota. Eshi miqwa tha Samaria miq angta.

Ethi rangma nim aa chamlang somlo inn shi tathin tak eq somlo inn! “Nim no aa ngarey somlot somlo aa ta ang ajo piq shima kha u etho piq ngarey wang kaley ajo piq shi tolchak u.

Jesu aa batta, “Nga nim asi miqwa taqhal taphang; adak wa akhu thi barina?

Teyhungwa thawel batta, “Nim kam raa jungqhang li tan ang ajo nim aa iri mulberry bang rima jin bat eq nin haqmong wang baching ching aa thalat eq jungku náng phuk ka u! Etho eshi bang shey nim raaq sha utat eq na.”

Barey urollung thalun ma tathin tey sha uthun angna; barey urollung sha thamat na piq sha ulun angna.

Jesu ujiphantey tang ma batta, “Miqtang ma ngarey rangma tari uthok hun angna, etharin utang eq iri ngarey tasom lo na ethi miq shima rapney tsamnang! Iri tinman miq rima ngarey somlot tasomlot wang eq eshi miq bo sho ashey ajong longku sha khak eq piq sha jungku o bichak ajo piq ma aqhal angna.

Noah tok o chamal angta, Miqna Sa saal raa tho irimal hun angna. Noah waqwan mong náng qhung wey moq ang atho, miqtang aa ling phakshat eq tharik eq tong ta, etho jung tha lim eq miq chamtan ang atha thaji tatik chakta.