Popular Bible Verses from Markus 11

Share

Rampaakanamo sumai Iaku kupogau tee ingkomiu, opeapo uka iemanimiu i nuncana doʼa, paracaeamo ande o Aulataʼala padhamo adhawuakakomiu, sumaimo ingkomiu bheutarimaia.

Satotuuna Iaku kupogau tee ingkomiu, incema-incema motumpuna gunu sumai, 'Toangkamo tee utobhanakamo i tawo!' sumaimo o giu incia sumai bheamembali to karona, somanamo bholi ameri incana, maka o mia incia sumai tabeana aparacaea ande opea ipogauakana sumai bheamembali.

Ande ingkomiu ukakaro to udoʼa, maka i nuncana ngangarandamiu dhaangia tee kapiina incamiu tee mia, sumaimo uporikanapo uʼamponi mia incia sumai mamudhaakana o Amamiu i sorogaa uka aʼamponi kasalahamiu.

Apogaumo Isa, "Paracaeamo i Aulataʼala!

Tee wakutuuna aadhari manga mia modhaangiana iwe sumai, Incia apogau, "Padhamo atoburi i nuncana Kitabi Momangkilo: 'Bhanuaku bheatosarongi bhanuana doʼa to bhari-bharia lipu!' Maka ingkomiu upamembalia liana manga pande rampasi.' "

Sagaa minaaka i manga mia sumai alingka aporikanaaka Isa, sainamo mosagaanana uka aosea minaaka i taliku. Manga incia alingka apoose akagora-gora, "Hosana! Bhari-bharia kapujia to Aulataʼala! Atobarakatimo Incia moumbana i nuncana sarona KAWASANA OPU!

Atobarakatimo pamarinta bhemoumbana, siitumo pamarintana Daud opu-opuata! Hosana! Bhari-bharia kapujia i Tampa Momalanga mpuu!"