Popular Bible Verses from Luk 17

Share

Iŋgura Yesus lem iŋgu nigu daririy, <<Ga waraŋusu leta, buwaga payiŋ soŋganda gakera giŋ wasiŋ yakara.>> Giy.

Tusu iŋ nal diyap nawŋonda utgabuŋta pasek bitiŋ sewen tip go, iŋ mulituw siŋganda epe pasek pesŋiŋ, nal sewen tipir. Iŋgura ga pasek iŋdagu sopira,>> giy.

Arya lem diyap lapyanda neŋni tiy go abaŋ aririyay tiy, iŋguniŋ mulutuw epusu ayik sip aŋaŋu Takela biŋay ikriy. Lem iŋgu epe Yesus siŋinda unni daŋ wawsu, kebani keraŋ daŋta leŋ, Yesus kuka lalaga inariy. Lem iŋgu iŋ ya beŋ Samaria nina.

Iŋguniŋ di ulada tipiraŋ, debata yiŋ diya pasek bitip go, ga daripira kabol iŋgu suwaŋ guniŋ, arya iŋ buwani foyusu Takela siŋinda epiŋ go, ga pasek iŋdagu sopira.

Yesus lem iŋgu neŋusu nigu giy, <<Na niŋ, lem ten wasiŋyata giyakam, arya lem nain go gakta eta?

Iŋgura Ewumboŋ inda nigu dariyiy, <<Di buwa payiŋ diragu go bulakayiŋ sip, da diya waay masted guwta seyiŋ bulubuli sip iŋgu gok kiŋ, di malberi da ini darip, <Ga dawlemga egamitasu le sigorda gaŋyita gip go, iŋgu aboŋda suŋpiŋ,>> giy.

Tusu lem gon iŋ yaŋ soŋniniŋ tusu esleŋin tip iŋgu go, iŋ el tip. Gu lem gon iŋ abaŋni soŋni sop go, iŋ wasiŋ kip.

Yesus muluŋa nimi yiŋ nigu dariyiy, <<Kabol kemŋiŋ kemŋiŋ futtip, welalem yakerayiy pasek nawŋonda liyaŋa guniŋ. Gu lem gonda kabol iŋgu keraŋ futtip go, na lem iŋgu bubuli sip tigatem yiŋ maykik beŋgoy sip ep. Iŋguniŋ lem gon iŋ, welalem buwa payiŋ yiŋdagu bulakayiŋ iŋgu yakera yiŋ pasikpiŋ iŋgu go, lem iŋgu sa taliŋyaŋ beŋgoy wit tarŋiŋuta iŋgu ow buŋ inda tewusu amikŋiŋ sigor nawŋonda lep go iŋgu wasiŋ. Iŋguniŋ di patak sip uladatuw kipiraŋ.

Noa ragu nalda kabol soŋsoŋ tuwkiyaŋa, iŋgu Lem Urmiŋ indagu nalda yit gugu sip bitip. Noa ragu nalda go yiŋ aŋyay nuw, way nuw, tusu lem wela duŋe tuwkiŋ niŋgi, Noa waga nawŋonda ley. Iŋgura warura afu atŋinda eboŋusu, welalem atŋinda yurboŋriy.