Popular Bible Verses from Luk 12

Share

Di yit olay muki tusu kipiraŋ. Nal diya lem Urmiŋ eppiŋ, di iŋaw epir yuŋ guw kiŋ, iŋ yu eppiŋ,>> giy.

Iŋguniŋ di patak onaŋusu, Takela kerana Taboŋ diragu kipir. Iŋgutiŋgu di yit ulal iŋgu sadip.

Iŋguniŋ Yesus welalem daripyi kiyaŋa iŋgu dariyiy, <<Di patak sip neŋtot piryaŋ. Diyap miydiya, di ses guway wilwili nina buwada tuwkipir. Arya ga ses geragu guway sip tip, gu ga ses iŋgura gakera giŋ wasiŋ kipira yuŋ sip.>>

Ulal diragu wasiŋ wasiŋ kuwti afu gura iŋgu go, buwada diragu yit gura kip.

Tusu lem gon diragu diya iŋ kiki soŋni daŋ ini buŋta nina ononaŋ guway tuwkip, arya ga iŋata iŋgu nal iŋdagu atebaw segiŋ miy lep yaŋ? Iŋgu yit yuŋ sip.

Iŋgura Yesus muluŋan yiŋ nigu dariyiy, <<Iŋguniŋ na daridigatem, di kiki soŋdaniŋ ononaŋ guway tipiraŋ go, tusu niŋ gira ninkina, ma niŋ tapyow giray kerankina gipiraŋ go.

Tusu Takela iŋ taboŋ danda yepda atŋinda iŋgu weyboŋriy. Tusu iŋ patak sip iŋaduwti, iŋguniŋ di reri tipiraŋ go, diwi go nuŋ guway bulubuli iŋgu atŋinda kelyaŋ.

Yesus atebaw nigu giy, <<Ewta iŋ patuw buway wasiŋri afu welalem soŋni yiŋ ulayiyi ragu iŋgu sadidi nina, iŋguniŋ di reri tipiraŋ go. Di sipsip daripi yuŋ tusu di mukida melaŋ.

Di alu ragu kabol iŋgu onaŋna. Yiŋ aŋyay seru kiyaŋya melaŋ tusu yiŋ aŋyay wilu le abu kiyaŋya melaŋ. Yiŋ ya yuŋ aŋyay wilu le kerkera nina, tusu yiŋ ya yuŋ wit wilu le kerkeranina. Go yiŋ Takelara aŋyay sayuwti. Gu diwi welalem go di nuŋ ulal iŋgu keliyaŋa.

Iŋguniŋ di buwada bultiŋ, ononaŋ guway tusu, niŋ aŋyay tusu way giray ninkina, gipiraŋ go.

Mat mutmut mira neriy belak belak eta ini iŋgu, sugatiŋgu niŋgi lemda kunasu amikŋiŋ ditda lep. Tusu mutmut mira neriy belak inanaŋ iŋgu Takela iŋ neruwti, gugu sip diyit Takela neridip. Iŋguniŋ di gon yiŋ buwada payiŋ diragu bulakayiŋ iŋgu go, Takela iŋ neridip.

Lem yiŋ mat omuŋ tusu ulal bituwta iŋgu emita yiŋ mawtara futtimitap. Iŋgura lem atŋinda iŋap. Tusu kuka atŋinda sasaŋ eti iŋgu mautara futtip.